2024-04-19
Close
2024-04-19
कमला सिँचाईको भ्रष्टाचार छानबिन गर – प्रमुख सचेतक अरगडिया
काठमाडौ भदौ १८ । धनुषा निर्वाचन क्षेत्र नं २ को सांसद तथा समाजवादी पार्टीको प्रमुख सचेतक उमाशंकर अरगडियाले धनुषामा रहेको कमला सिँचाइ आयोजनामा ठूलो भ्रष्टाचार भएको दाबी गरेका छन् ।
भिडियो हेर्नु ,
सचेतक अरगडिया संघीय सांसद बैठकमा बोल्दै कमला सिंचाईमा भएको भ्रष्टाचारको तत्कालै छानबिन हुनुपर्ने सरकार संग मांग गरेका छन । धनुषा र सिरहा जिल्लाको सिमामा पर्ने कमला नदि नियन्त्रण तथा किसानलाई सिंचाई उपलब्ध गराउन सरकारले कमला नदि नियन्त्रण आयोजना मार्फत करोडौं रकम खर्चिदै आएको छ । यद्यपि कार्यालय प्रमुख, ईन्जिनियर र कर्मचारीहरू कमिसनमा विभिन्न उपभोक्ता समिति गठन गरेर बजेट अनियमितता गरेको सचेतक अरगडियाले बताए ।
सरकारले निर्धारण गरेको मापदण्ड बिपरित कार्यालयको मिलोमतोमा गुणस्तरहीन निर्माण भएकाले सम्बन्धित पक्षले स्थलगत अनुगमन मूल्यांकन गरेर कारवाही गर्नु पर्ने मांग गरे । उपभोक्त समितिबाट कर्मचारीले ३० प्रतिशात सम्म कमिसन लिएको जनगुणासो बढेको समेत प्रमुख सचेतक अरगडियाले प्रतिनिधि सभाका सभामुख कृष्ण बहादुर महरा मार्फत सरकारलाई ध्यानाकर्षण गराएका छन । ग्राभेल बाट निर्माण गर्नु पर्ने काममा कार्यालयको मिलोमतोमा बलुवा प्रयोग गरेको बताए । बाढिको उच्चजोखिममा रहेको कमला नदि आसपासको क्षेत्रमा कमसल निर्माण हुंदा झन जोखिम बढेको दाबी गरे ।
कमला सिंचाइ योजनाबाट उक्त क्षेत्रका किसानलाई निकै राहत हुने निश्चित हुदाहुदै पनि कार्यालयको भ्रष्टचारका कारण सिंचाई निर्माण हुन नसकेको टिप्पणी गरे । कमला सिंचाइ प्रभावकारी रुपमा अगाडि बढे धनुषाको सयौं बिघा जग्गामा सिंचाई पुग्छ, प्रमुख सचेतक अरगडियाले भने – “सिंचाईको अभावमा किसानहरु बिचल्लीमा परेका छन । किसानहरुले लगाएको धान पानीको अभावमा सुक्न थालेकाले सरकारले धान किसानका लागि राहत तथा खेतमा पानी उपलब्ध गराउन सक्ने उपकरण बितरण गर्न सरकार अगाडि आउनु पर्छ ।”
This will close in 20 seconds
