2024-10-11
Close
2024-10-11
जनकपुरधाम । न्युरो सम्बन्धी क्रानियोटोमी एण्ड इभाक्यूसन अफ हेमाटोमाको जनकपुरधाममै सफल शल्यक्रीया गरिएको छ । मधेश प्रदेशको राजधानी जनकपुरधाम स्थित जनकपुर न्यूरो हस्पीटल एण्ड रिसर्च सेन्टरले दुर्घटनाका एक घाइतेको सो सफल शाल्यक्रिया गरेको हो । महोत्तरी जिल्ला बलवा नगरपालिका १० परौल थानका २२ वर्षिय अनितेश यादवको क्रानियोटोमी एण्ड इभाक्यूसन अफ हेमाटोमा सम्बन्धी सफल शल्यक्रिया गरिएको हो ।
हस्पीटलका न्यूरो सर्जन स्पेलिस्ट डा. विजय कुमार नेतृत्वको चिकित्सक टोलीले गत साउन २ गतेका दिन क्रिटिकल अवस्थामा रहेका अनितेशको क्रानियोटोमीको सफल शल्यक्रिया गरेर ज्यान जोगाउन सफल भएका हुन । डा. राउतले दुर्घटना पश्चात जनकपुरधामकै एक स्थानीय अस्पतालले कयौं दिन भर्ना गरेर रोकेर राखेको सो बिरामीको अवस्था अन्तिम अवस्थामा पुगेपछि रेफर भएर आफुहरुको सम्पर्कमा आएको बताए । ‘जुन अवस्थामा बिरामीलाई यहाँ ल्याइयो, विराटनगर वा काठमाडौ लगेको भए बाच्न सक्ने अवस्था थिएन’ उनले भने ।
समयमै यहाँ ल्याइएपछि हामीले विरामीको ज्यान जोगाउन सफल भएको चिकित्सक कुमारले बताए । बिरामीका बुवा परशुराम यादवले जनकपुरधामका एक अस्पतालले इलाज हुन्छ भन्दै हप्ता दिनसम्म राखेर लाखौ रुपैया खर्च गराएको र अन्त्यमा सिटिस्क्यान गरेपछि थप उपचारका लागि यहाँ सम्भव हुदैन भन्दै रेफर गरेको बताए । हतोत्साहित भएर विराटनगर तिर लग्न खोजेको तर एक एम्बुलेन्स चालकको सुझावमा यस हस्पीटलमा ल्याएपछि उपचार भएकोमा उनीहरुले खुसी व्यत्त गरेका छन् ।
जनकपुरधाम स्थित जनकपुर न्यूरो हस्पीटल मात्र न्यूरो सम्बन्धी उपचार हुने पहिलो हस्पीटल रहेको दावी गरिएको छ । अस्पतालमा शरीरका विभिन्न भागका प्लास्टिक एवं कस्टेमिक सर्जरी लगायत अन्य सर्जन तथा रोगहरुका उपचार सेवा समेत उपलब्ध रहेको बताइन्छ । नेपालमा प्लास्टिक एवं कस्टेमिक सर्जरीको व्यवस्था काठमाडौपछि जनकपुरधामकै न्यूरो अस्पतालमा रहेको समेत दाबी डा. राउतले गरेका छन ।
