2024-04-20
Close
2024-04-20
जनकपुरधाम । धनुषाको शहिदनगर नगरपालिकाको उपमेयरको अगाडी कार्यालयभित्रै कुटाकुट भएको घटना बाहिरिएको छ ।
सोमबार शहिदनगर नगरपालिकाकी उपमेयर सुनिता सिँहकै अगाडी बसेको न्यायिक समितिको बैठकको क्रममा दुई पक्षबीच कुटाकुट भएको हो ।
शहिदनगर नगरपालिका वडा नम्बर ७ धबौली बस्ने स्थानीय राम प्रगास मण्डल र सोही स्थान बस्ने अच्छुत्तम उपाध्यायबीचको जग्गा विवादको छलफलको विषमा बसेको बैठकको क्रममा कुटाकुट भएको हो ।
विगत ८ बर्षदेखि स्थानीय अच्छुत्तम उपाध्यायको खेतमा बटैया (साँझेदारी) गरी खेती गर्दै आएका स्थानीय रामप्रगास मण्डलले आधा उब्जनी दिनुपर्नेमा नदिएपछि न्यायिक समितिमा गएको थियो ।
न्यायिक समितिकी सँयोजक समेत रहेकी उपमेयर सुनिता सिँहको सँयोजकत्वमा बसेको छलफलको क्रममा रामप्रगास मण्डलले बल प्रयोग गरेको बताइएको छ ।
सो छलफलको क्रममा उपाध्यायको तर्फबाट सहभागी भएका हबिब भन्ने व्यक्तिलाई रिसमा आएका रामप्रगास मण्डलले कुटिपिट गरेपछि विवाद भएको थियो ।
मण्डलले हबिबलाई कुटपिट गरी उनको भतिजोले समेत घिसार्दै उनीमाथि कुटिपिट थालेको थियो । सोही क्रममा न्यायिक समिति सदस्य प्रदीप यादव र राकेश यादवले झगडा छुटाउन खोज्दा उनीहरुमाथि पनि हातपात गरिएको बताइएको छ ।
न्यायिक समिति सदस्य राकेश यादवले राम प्रगास मण्डल र उनका भतिजोले आफू र प्रदीप यादवमाथि धक्कामुक्की गरेको आरोप लगाए ।
जानकारी पाएलगत्तै तत्कालै ईलाका प्रहरी कार्यालय यदुकूहाबाट नगरपालिका पुगेको प्रहरीको टोलीले रामप्रगास मण्डललाई नियन्त्रणमा लिएको थियो ।
यद्यपी, कुनै पक्षबाट उनको विरुद्धमा कुनै उजुरी नपरेको भन्दै उनलाई रिहा गरिएको ईलाका प्रहरी कार्यालय यदुकूहाका प्रहरी नीरिक्षक हरिविष्णु ढकालले जानकारी दिए ।
मण्डलमाथि प्रदीप यादव, राकेश यादव वा हबिबले पनि कुनै उजुरी नदिएको कारण उनलाई छाडिएको बताइएको छ । यता, राकेशले उनीमाथि उजुरी दिने तयारी गरिएको बताए ।
यता, रामप्रगास मण्डल नेपाली काँग्रेस पार्टीका समर्थक रहेकोले उनलाई उन्मुक्ति दिएको बताइएको छ । उपमेयर समेत नेपाली काँग्रेसबाट निर्वाचित जनप्रतिनीधि हुन् ।
उपमेयर सिँहले छलफलको क्रममा समान्य झै झगडा भएको स्वीकार गरिन् । उनले यस्ता कुरालाई नफैलाइदिन आग्रह समेत गरिन् ।
This will close in 20 seconds
