2024-04-22

Close

जनकपुरधाम । मधेश प्रदेशमा पनि डेंगु संक्रमणका बिरामी भेट्न थालेको छ । यस प्रदेशका २२ जनामा डेंगुको संक्रमण पुष्टि भएको हो ।

मधेश प्रदेश स्वास्थ्य निर्देशनालय सपही, धनुषाका प्रमुख डा. राजिव कुमार झाले साउन महिनामै डेंगुका २२ रोगी फेला परेको जानकारी दिए । उनका अनुसार साउन अगाडि यो प्रदेशमा डेंगुको संक्रमण पुष्टि भएको थिएन् ।’

उनका अनुसार पर्सा र सिरहामा डेंगुका बढी बिरामी भेटिएका छन् । अन्य जिल्लामा १÷२ जनामा मात्र संक्रमण देखिएको छ । सबैको अवस्था सामान्य छ । सबै विरामी घरमै स्वास्थ्यकर्मीको निगरानीमा उपचाररत छन् ।

डेंगु संक्रमित बिरामी भेटिएको क्षेत्रमा लार्भा नष्ट पार्ने अभियान सुरु भइसकेको डा. झाले दावी गरे । उनले भने, ‘जिल्ला स्वास्थ्य कार्यालयहरु र स्वास्थ्य संस्थाहरुमा लार्भा मार्ने औषधी पुगिसकेको छ । स्थानीय तहको समन्वयमा लार्भा रहेको सम्भावित ठाउँहरुमा औषधी छर्किने काम पनि भइरहेको छ ।’

एडिस जातिका (एजिप्टाइ र अल्बोपिक्टस) पोथी लामखुट्टेले टोकेपछि मानिस डेंगु संक्रमित हुन्छन् । डेंगुको संक्रमण एक मानिसबाट अर्को मानिसमा सर्छ अर्थात् यो सरुवा रोग हो । अहिले कोशी प्रदेशमा सबभन्दा बढी डेंगुका संक्रमित भेटिएका छन् । कोशीबाटै मधेशमा डेंगु छिरेको हुनसक्छ ।

डेंगु फैलाउने एडिस जातिका लामखुट्टे गमला, फुलदान, खाली बट्टा, अलकत्रा वा मट्टितेलका खाली ड्रमहरू, गाडीका काम नलाग्ने टायरहरूमा जमेको सफा पानीमा लार्भा छोड्छ । ति ठाउँहरुबाट लार्भा नष्ट गरिए मात्र डेंगुको संक्रमण रोक्न सकिने चिकित्सकहरु बताउँछन् ।

‘सार्वजनिक ठाउँमा जमेको पानीमा औषधि छर्किने काम भइरहेको छ’, डा. झाले भने, ‘लार्भा नष्ट पार्ने औषधी घरमा छर्किन पनि मिल्दैन । मानिसको स्वास्थ्यमा असर गर्छ । त्यसैले घरमा राखिने गमला, फुलदानी वा पानी जम्ने अन्य स्थानहरुमा आफैंले सतर्कता पूर्वक औषधी छर्किनुपर्छ ।’

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds