2024-05-04
Close
2024-05-04
अप्पन जनकपुर
विराटनगर । मोरङको धनपालथान गाउँपालिका–६ कदमाहको एउटा गोठमा सोमबार बिहान आगलागी भएको छ । आगोले सुकदेव मण्डलको कर्कट पाताको छानो भएको र बाँसको टाटीको बेरा भएको एक तले गोठ जलेर पूर्ण रूपमा ध्वस्त भएको छ ।
गोठमा पालिएका खसीबाख्रा जलेर मरेका छन् । गोठमा बिहानका राति ३ :३० बजेतिर आगलागी भएको प्रहरीले जनाएको छ । प्रहरीका अनुसार मण्डलले पालेका तीनवटा खसी, दुईवटा बाख्रा र दुईवटा पाठापाठी आगोले जलेर मरेका छन् । स्थानीय बासिन्दा र प्रहरीको संयुक्त प्रयासले एक घण्टापछि आगो नियन्त्रणमा आएको थियो ।
आगलागीको कारण खुल्न सकेको छैन । आगोले गोठ, गोठभित्र रहेका खसीबाख्रा, दाउरा र काठ जल्दा दुई लाख २० हजार मूल्य बराबरको क्षति भएको प्रहरीले जनाएको छ । मानवीय क्षति भएको छैन । प्रहरीले घटनाको अनुसन्धान सुरु गरेको छ ।
This will close in 20 seconds
