2024-10-13
Close
2024-10-13
अप्पन जनकपुर
जनकपुरधाम । धनुषाको महिनाथपुर नाकाबाट करिब २५ किलो अवैद्य गाँजा बरामद गरिएको छ ।
धनुषाको बिओपी एवम् प्रस्तावित गुल्म महिनाथपुरका प्रमुख डिएसपी मदन बहादुर धानुकको कमाण्डमा गएको सशस्त्र प्रहरीको टोलीले सो परिमाणको लागुऔषध गाँजा बरामद गरेको हो ।
महिनाथपुर र झिझा गाउँको बीचमा पर्ने खेतमा सो गाँजा बरामद गरिएको डिएसपी धानुकले जानकारी दिए । उनका अनुसार, गाँजाको तस्करी भईरहेको गोप्य सूचनाको आधारमा प्रहरीको टोलीले २४ किलो ८०० ग्राम गाँजा बरामद गरेको हो ।
बरामद गरिएको गाँजा बुधबार नै ईलाका प्रहरी कार्यालय खजुरीलाई आवश्यक कारवाहीको लागि बुझाइएको उनले बताए ।
