2024-05-13
Close
2024-05-13
श्याम गुप्ता
बारा, ६ असाेज
कलवार समुदायकाे कुल देवता बलभद्र भगवानकाे शनिवार बारा र पर्सामा भव्य पुजाकाे आयाेजना गरिएको छ ।
कलवार कल्याण समिति जीतपुरको आयोजनामा बाराकाे जीतपुरसिमरा उपमहानगरपालिका वडा नम्बर ७ स्थित समितिकाे निजी जग्गामा र कलवार कल्याण समिति बिरगंजकाे आयाेजनामा महानगरकाे आदर्शनगर स्थित समितिको आफ्नैं भवनमा बलभद्र भगवानकाे सामुहिक पुजाकाे आयाेजना गरिएको हाे ।
जीतपुरमा आयोजित पुजा पूर्व शाेभा यात्रा निकालिएको थियाे ।
बाजा गाजा र घाेडाकाे घाेडदाैल सहिँत हजाराैं भक्तजनहरूकाे सहभागितामा पुजा स्थलबाट बिहान निकालिएकाे शाेभा यात्राले जीतपुर नगर परिक्रमा गरि पुन: पुजा स्थलमा फर्किएर बिधिवत पुजा आरम्भ भएको थियो ।
सामुहिक पुजाको मुख्य जजुमानको रुपमा वडा नम्बर ७ का पूर्व वडाध्यक्ष रामबाबु गुप्ता र उनकी पत्नीले पुजाको अवधी भर उपवास (चौका) बसी पुजालाई पूर्णता दिलाएका थिए ।
प्राराचिन काल देखि नैं कृष्ण भगवानका दाजु बलभद्र भगवान कलवार समुदायको कुल देवताको रुपामा रहनुँ भएको छ ।
बिभिन्न समुदायका श्रद्धालुहरु बलभद्र भगवानलाई बलरामको रुपमा पनि लिने गरेको बलभद्र पुजाका आचार्य पवनेश शास्त्रीले बताए ।
बललाई शक्ती र भद्रलाई अन्न मानिएकको आचार्य शास्त्रीले बलभद्र भगवानको अर्थ बारे बताउँदै शास्त्रीले बलभद्र भगवानलाई भात, बिषेश किसिमको दाल र पाँच थरीका तरकारीको भोग लगाउँने प्रचलन रहेको बताए ।
उनको पुजा पश्चात सो अन्नलाई कलवार समुदायका भक्तजनहरुले प्रशादको रुपमा ग्रहँण गर्ने प्रचलन प्राचिन काल देखि नैं चलि आईरहेको पनि उनले बताए ।
साेहि अवसरमा पूर्व कार्यसमितलाई सम्मान-पत्र सहिँत बिदाई गरिएको थियाे । भने, समितिका उपाध्यक्ष लालबाबु प्रसाद साह कलवारले नयाँ कार्यसमितिका अध्यक्ष कन्हैया प्रसाद गुप्तालाई प्रमाण-पत्र प्रदान गर्दै पदभार ग्रहण गराएका थिए ।
This will close in 20 seconds
This will close in 0 seconds
