काठमाडौं । नेपालका पहाडी र हिमाली जिल्लामा आज (बिहीबार) होली अर्थात् फागु पर्व मनाइँदै छ ।

फागुन शुक्ल पूर्णिमाको दिन मनाईने होली आज पहाडी र हिमाली जिल्ला तथा भोली (शुक्रबार) तराईका जिल्लामा मनाइने छ । होली पर्वका अवसरमा सरकारले आज देशका पहाडी र हिमाली ५६ जिल्लामा सार्वजनिक बिदा दिएको छ ।

वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने होली पर्व आज परम्परागत रूपमा विभिन्न रङ र लोला खेली मनाउने परम्परा छ ।

गृहमन्त्रालयले होलीमा कसैको इच्छा विपरित जबर्जस्ती रंग नदल्न, लोला नहान्न आग्रह गरेको छ । होलीका नाममा उच्छृंखल गतिविधि गरे कारबाही गर्ने चेतावनी प्रहरीले दिएको छ ।

केही वर्ष अघिसम्म उपत्यकामा उत्ताउलोरूपमा मनाइने यो पर्व प्रहरीको सक्रियताका कारण पछिल्लो समय सभ्य बन्न थालेको छ । सडकमा काम विशेषले हिँड्नेलाई इच्छा विपरीत रङ र लोला हान्ने क्रम कम हुँदै गएको छ ।

त्रेता युगमा दैत्यराज हीरण्यकश्यपुले विष्णुभक्त आफ्ना पुत्र प्रह्लादलाई मार्ने उद्देश्यले ब्रह्माबाट आगोले छुन नसक्ने वरदान पाएकी आफ्नी बहिनी होलिकालाई प्रह्लादका साथ दन्किरहेको आगोमा पस्न लगाउँदा होलिका आफैँ भष्म भएकी तर भक्त प्रह्लादलाई आगोले छुन नसकेको कथा यो पर्वसँग जोडिएको छ ।

सम्बन्धित

शहिदनगर : बिसरभोरामा घोषिन यादव समुदायको एकसभाको भोज सम्पन्न

विदेह नगरपालिकाबाट सरुवा भइ आयोजना प्रमुख बनेका साहको महिना नपुग्दै सरुवाको माग, १३ गम्भीर आरोप

मधेशका सबै पूर्वाधार कार्यालयसँग अख्तियारले माग्यो उपभोक्ता लगायतको कागजात

लागु औषध बिरूद्ध ईप्रका गणेशपुरको प्रभात फेरी रैली

सिरहा : लहानमा नयाँ डिएसपी हिरेन्द्र रोकाया आउँदै

श्री जनता नमूना मावि गिद्वा-बेलापट्टीमा परीक्षा केन्द्र हुँदा पनि नियमित कक्षा सञ्चालन

औरही छुवाछुत घटना – सिरहाका एसपी रमेश पण्डित हेडक्वार्टर तानिए

प्रहरी हवल्दार ठाकुर फाल्गुन महिनाको उत्कृष्ट प्रहरी