वीरगन्ज,कातिक ३ / भारतबाट तस्करी गरी ल्याइएको ५५ बोरा धानको बिषयलाई उछालेर तस्कर र स्थानीय बिच द्धन्द गराउन खोजीएको स्थानीबासीले बताएका छन ।
धान नियन्त्रण गर्न जिल्लाबाट खटेको प्रहरी टोली स्थानीयले सोमबार आक्रमण पनि नगरेको उनीहरुले बताएका हुन ।
स्थानीयबासी र प्रहरी चौकीमा कार्यरत प्रहरीलाई बदनाम गराउन आक्रमण गराईएको वडाअध्यक्ष सन्तोष पटेलले बताए ।
उनका अनुसार धान नियन्त्रणमा लिन गएको इलाका प्रहरी कार्यालय प्रसौनीका इन्चार्ज बिनोद बोहराको प्रहरी टोली माथि आक्रमण गराउने भनेर बदनाम गरीएको छ ।
तस्करीको धान नियन्त्रणमा लिन आएका प्रहरीमाथी आक्रमण नभएको र स्थानीयबासीलाई बदनाम गराउन खोजीएको उनको आरोप छ ।
स्थानीय प्रहरीको सहयोगको कारणले सोमबार गाउँलेहरू मिलेर जिल्लाको प्रहरीलाई सहयोग गरेको उनले बताए । आइतबार राति छतवामा पुगेको जिल्लाको टोलीले भारतबाट तस्करीको धान नेपालतर्फ ल्याइरहेको अवस्थामा भारतीय नम्बरको ४ वटा मोटरसाइकल र ५५ बोरा धान बरामद गरेको थियो।
बरामद गरिएको धान बाहेक पनि ठुलो मात्रामा दशगजा क्षेत्रमा बेवारिसे अवस्थामा धानको बोरा छोडिएको सूचनाका आधारमा त्यसलाई नियन्त्रणमा लिन जिल्लाबाट प्रहरी टोली खटिएको थियो।
दशगजा क्षेत्रमा रहेको धानको बोरालाई नियन्त्रण लिन पुगेको प्रहरीलाई सुरुमा स्थानीयहरुले धानको बोरा लैजान सहमति दिएपछि धान जिल्लामा आएको हो । प्रहरी चौकीमा गाँउपालिका अध्यक्ष , वडा अध्यक्ष सहितका जनप्रतिनिधि यसबारेमा चौकी इन्चार्ज यादव वरिष्ठ सई श्याम यादव संग बुझ्न गएका थिए ।
गाँउपालिकाका अध्यक्ष जुवेर अलि भुटोले पनि तस्करीको कुरालाई उचालेर स्थानीयहरुलाई बदनाम गराउन खोजिएको बताएका छन ।
चौकी माथी आक्रमण नै नभएको कुरालाई उचालिएको र प्रहरीलाई आक्रोशित बनाउने काम गरीएको बताए । जिल्ला प्रहरी कार्यालय बाराले प्रहरी चौकी छतवाका एक जना प्रहरी हवल्दार र अर्का प्रहरी सहायक हवाल्दार गरी दुई जना प्रहरीलाई जिल्लामा ल्याएर छानबिन गरिरहेको छ।
जिल्ला प्रहरी कार्यालय बाराका प्रवक्ता प्रहरी नायब उपरीक्षक दधीराम न्यौपानेले तस्करीको धान नियन्त्रण गर्न जिल्लाबाट खटेको प्रहरी टोली माथि असहयोग भएको आरोपमा छानबिनको लागि प्रहरी चौकी छतवाबाट हवलदार र सहायक हवल्दारलाई ल्याइएको जानकारी दिएका छन्।
