2024-03-02

Close

जनकपुरधाम । नेपाली कांग्रेस धनुषा क्षेत्र नम्वर २ को सभापति र महासमिति सदस्यका लागि आज मतदान हुँदैछ ।

बिदेह नगरपालिकाका ६ तीनकौरियास्थित जनता नमुना प्राविधिक माध्यमिक विद्यालयमा विहान १० बजेबाट मतदान सुरु भएको हो । दिउँसो ४ बजेसम्म मतदान जारी रहने कांग्रेस क्षेत्रीय निर्वाचन समितिले जनाएको छ ।

क्षेत्रीय सभापतिका लागि साधु भनेर चिनिने शिवशंकर कुमार गोइत, नवीन कुमार गोहिवार र भूपनारायण यादव उम्मेदवार छन् । साधु संस्थापन पक्षका छन् । नवीन र भूपनारायण दुबैजना शेखर कोइराला समूहकै छन् ।

साधुलाई पार्टीका सहमहामन्त्री महेन्द्र यादव, केन्द्रीय सदस्य मुक्ता यादव र पुराना नेता आनन्द ढुंगानाको समर्थन छ । सोही क्षेत्रमा पर्ने हंसपुर नगरपालिकाका मेयर प्रदिप यादव र कमला नगरपालिकाका मेयर विशेश्वर यादव पनि साधुकै पक्षमा उभेका छन् ।

नविनलाई पूर्व सांसद दिनेश प्रसैला मैदानमा उतारेको स्रोतको दावी छ । क्षेत्र नम्वर २ बाटै निर्वाचित प्रतिनिधिसभा सदस्य रामकृष्ण यादव भूपनारायणलाई जिताउन माहोल बनाइरहेका छन् । पूर्व सांसद शिवधारी यादव पनि भूपनारायणकै पक्षमा छन् ।

उम्मेदवारहरुभन्दा पनि केन्द्रीय नेताहरु आफ्ना पक्षका नेतालाई क्षेत्रिय सभापति बनाउन प्रतिष्ठा दाउमा लगाएका छन् ।

यस्तै सात महासमिति सदस्यका लागि पनि मतदान हुनेछ । जसमा ५ जना प्रत्यक्ष र २ जना समानुपातिकबाट निर्वाचित हुनेछ ।

महासमिति सदस्यका लागि प्रत्यक्षतर्फ ५ जनाका लागि सात जना ९दिनेश प्रसाद प्रसैला, विशेश्वर यादव, भोला चौधरी, महेश शंकर गिरी, राजदेव यादव, राजेश्वर गोइत, शिवधारी यादव र सुधिर गोइत० उम्मेदवार छन् ।

यस्तै समानुपातिकतर्फ २ जनाका लागि तीन जना ९उत्तीम प्रसाद मण्डल, रामचन्द्र मण्डल र शत्रुधन यादव उम्मेदवार छन् ।

धनुषा क्षेत्र २ मा औरही गाउँपालिका‌, शहिद नगरपालिका, विदेह नगरपालिकाका, जनकनन्दनी गाउँपालिका, कमला नगरपालिका, हंसपुर नगरपालिकाका ४ वटा वडा र जनकपुरधाम उपमहानगरपालिकाको २ वटा वडा पर्छ । ८२२ क्षेत्रीय प्रतिनिधिलाई मतदाता कायम गरिएको छ ।

मतदान स्थलमा उम्मेदवारहरु ठूला ठूला प्रचार सामग्री राखेर क्याम्प खडा गरेका छन् । त्यहाँ नेताहरु मतदातालाई आफ्ना पक्षको उम्मेदवारको पक्षमा लविङ गरिरहेको देख्न सकिन्छ । मतदातालाई घरबाट ओसार्न उम्मेदवारहरु दर्जनौं गाडी परिचालन गरेका छन् ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds