जनकपुरधाम । राष्ट्रिय मुक्ति पार्टी नेपालका भातृ संगठन राष्ट्रिय युवा मंचले राधाकृष्ण साह किसनलाई धनुषा जिल्लाको अध्यक्षमा मनोनयन गरेको छ ।
राष्ट्रिय मुक्ति पार्टी नेपालका केन्द्रीय सचिव संजय चौधरी र राष्ट्रिय मुक्ति पार्टी नेपालका धनुषा जिल्ला अध्यक्ष राजेश चौधरी राजुले मनोनयनपत्रमार्फत साहलाई जिम्मेवारी कुशलतापूर्वक निर्वाह गर्दै संगठनलाई सुदृढ बनाउनेमा विश्वास व्यक्त गरेका छन् ।
बिज्ञापन
अध्यक्ष चौधरीले साहको कार्यकाल सफल र सार्थक रहोस् भन्ने हार्दिक शुभकामना व्यक्त गर्दै, मनोनयनप्रति बधाई पनि दिएका छन् । यस मनोनयनसँगै धनुषा जिल्लामा युवा मंचको गतिविधिहरू अझ सक्रिय र प्रभावकारी बन्ने अपेक्षा गरिएको छ ।
