2024-05-07
Close
2024-05-07
धरान, मंसिर २२ गते । डिपोट स्कुल धरानले आयोजना गरेको १८ औँ संस्करणको ललित अम्वर डिपोट कप अन्तर विद्यालय (प्राथमिक तह) फुटबल प्रतियोगितामा नेपाल पुलिस स्कुल धरानले उपाधी हात पारेको छ ।
लगातार १६ र १७ औं संस्करणको प्रतियोगिता जितेको पुलिस स्कुलले यस पटक पनि १८ औं प्रतियोगितामा उपाधी चुम्दै विजयी हुन सफल भएको हो । डिपोट स्कुलको खेलमैदानमा आज सम्पन्न फाईनल खेलमा नेपाल पुलिस स्कुल धरान र बराह राईजिङ स्कुल चतरा विच रोमाञ्चक प्रतिस्पर्धा भएको थियो ।
पहिलो हाफमा दुबै टिमले बराबर खेले पनि दोस्रो हाफमा बराह राईजिङ स्कुललाई शून्यका बिरुद्ध १ गोल गर्दै पुलिस स्कुलले उपाधी जितेको हो । उक्त प्रतिस्पर्धामा नेपाल पुलिस स्कुल धरानका स्ट्राईकर जर्सी नम्बर ७ का अन्सु बास्फोरले खेलको ८ औं गोल गर्न सफल भएका थिए ।
प्रतियोगितामा म्यान अफ द म्याच पुलिस स्कुलका स्ट्राईकर अन्सु बास्फोर, उत्कृष्ट डिफेन्स रोयल चौधरी र उत्कृष्ट गोलरक्षक सन्देश कुमार खाँले हात पारेका छन् । खैलका प्रमुख अतिथी धरान उप-महानगरपालिकाका उप-प्रमुख आईन्द्रविक्रम बेघा लगायत अन्य अतिथीहरुले विजयी खेलाडीहरुलाई ट्रफी सहित नगद ११ हजार १ सय ११, मेडल तथा प्रमाण पत्र प्रदान गर्नु भएको थियो ।
This will close in 20 seconds
