2024-04-27
Close
2024-04-27
सर्लाही । बागमतीका एक विद्यार्थीले प्रहरी हिरासतबाटै एसईई परीक्षा दिएका छन् ।
बागमती नगरपालिका- ६ धरहरा घर भएका १६ वर्षीय किशोरलाई हिरासतबाटै परीक्षा दिने व्यवस्था मिलाइएको इलाका प्रहरी कार्यालय हरिवनले जनाएको छ ।
हरिवन-९ स्थित ज्ञानज्योति आवासीय विद्यालयका ती किशोरले आज पहिलो दिन प्रहरी हिरासतबाटै अंग्रेजी विषयको परीक्षा दिएका इलाका प्रहरी कार्यालय हरिवनका इन्सपेक्टर अनिल गिरीले जानकारी दिए ।
ज्ञानज्योति स्कुलको परीक्षा केन्द्र महेन्द्र मावि कर्मैयामा तोकिएको छ । ‘परीक्षा केन्द्रसँगको समन्वयमा उनलाई हिरासतबाटै परीक्षा दिने व्यवस्था मिलाएका हौँ,’ इन्सपेक्टर गिरीले भने ।
ती किशोर आफ्नी आमाको आत्महत्या दुरुत्साहन आरोपमा प्रहरी हिरासतमा छन् । सोही आरोपमा उनका वुवा (मृतक महिलाका पति) पनि हिरासतमै रहेका प्रहरीले जनाएको छ ।
This will close in 20 seconds
