2025-06-19
Close
2025-06-19
वीरगन्ज ५आषाढ
भारतसँग सीमा जोडिएका पर्सा जिल्लाको महादेव पट्टीको नाका तस्करीको खुला मार्ग बन्दै गएका छन्। सीमाक्षेत्रमा सक्रिय साना तस्करदेखि सञ्जालबद्ध गिरोहसम्मको चलखेल, सुरक्षा निकायको मौन समर्थन र प्रशासनको आँखामा पट्टीले गर्दा महादेवपट्टीको नाका आज तस्करीको केन्द्रविन्दु बन्न पुगेको छ।
साना पोका बोकेर साइकल र मोटरसाइकलमार्फत हुने तस्करी खुल्ला रूपमा हुन थालेको छ। महादेवपट्टीको नाका अहिले तस्करीको मुख्य रुटका रूपमा चिनिँदै गएका छन्।
स्रोतका अनुसार तस्करी रोक्न खटाइएका नेपाल प्रहरी तथा सशस्त्र प्रहरी बलका स्थानीय प्रमुखहरू नै ‘लाइन खुलाउने’ व्यवस्थापकको भूमिकामा छन्। सीमाबाट तस्करी सहज बनाउने शर्तमा तस्करहरूसँग नियमित महिनावारी रकम असुल्ने गरिएको स्थानीय स्रोतको दाबी छ।
भारतको भङ्गहा बाट चिनी सखर मैदा कसमेटिक आईटम तयारी बोईलर कुखुरा पेय पदार्थ रजनी गन्धा टाईलस मार्बल एल सिडि लगाएत को तस्करी हुन्छन् तेस्तै पर्साको बलुवा हुँदै भारतको भङ्गहा ईनारवा मैनाटाड जस्ता गाउँसम्म लोकल मदिरा, चाईनिज समान प्लास्टिक जन्री सामाग्री चाईनिज लत्ताकपडा र औद्योगिक सामग्रीको तस्करी खुलेआम भइरहेको छ। भारतको बिहार राज्यमा मदिरामाथि पूर्ण प्रतिबन्ध लागेपछि नेपालबाट भारतीय बजारमा नेपाली मदिरा ढुवानी अत्यधिक बढेको छ।
महादेवपट्टीको नाका बाट तस्करहरु
बिरेन्द्र साह जितेन्द्र साह बिपिन मुखिया बिन कृष्ण मुखिया बिन पासपत राउत धुरुप चौधरी तारकिशोर दास अक्षय हजरा गनेश मुखिया सुनिल राम रहेका छ्न ।कानून होइन,तस्करीको सञ्जाल चलिरहेको छ ?स्थानीय प्रहरी र सशस्त्रका घुमुवा र चौकी इन्चार्जहरू नै तस्करीको व्यवस्थापन गर्ने, सूचना चुहाउने र अनुगमनकर्ताहरूलाई भ्रममा पार्ने काममा संलग्न भएको आरोप व्यापक छ। यसले प्रहरी प्रशासनमाथिको जनविश्वासमा गहिरो धक्का पुर्याएको छ।तस्करीको चक्रव्यूहमा सुरक्षाकर्मी, स्थानीय तस्कर र प्रशासनिक तहका केही व्यक्तिहरूको साँठगाँठ स्पष्ट हुँदै जाँदा, अब प्रश्न सरकारको इच्छाशक्तिमाथि उठ्न थालेको छ—तस्करी रोक्न कानुनी कारबाही हुने हो कि, राज्यकै मिलेमतोमा यो चक्र अझै बलियो बनाइने हो ।
