2024-04-23
Close
2024-04-23
काठमाडौ साउन २६ गते ।
सिंहदरबार घेराउ गर्न भन्दै काठमाडौंको भद्रकालीमा प्रदर्शन गरिरहेका आरक्षण बचाऔं आन्दोलनका अगुवाहरुलाई प्रहरीले नियन्त्रणमा लिएको छ ।
लोकसेवा आयोगले संविधान विपरित विज्ञापन खुलाएको भन्दै आन्दोलनमा सहभागी अगुवाहरुलाई आइतबार प्रर्दशन गरिरहेकै बेला भद्रकालीबाट प्रहरीले नियन्त्रणमा लिएको हो ।
प्रर्दशनकारीहरुले सिंहदरबार घेर्नका लागि निषेधित क्षेत्र तोडेपछि प्रहरीले नियन्त्रणमा लिएको हो । त्यसअघि प्रहरीले निषेधित क्षेत्रमा प्रवेश नगर्न प्रर्दशनकारीहरुलाई माईकमार्फत् सचेत गराएको थियो । प्रर्दशनकारीहरुले शान्तिपूर्ण रुपमा प्रर्दशन गर्न पाउने दावी गरिरहेका थिए । भद्रकालीबाट प्रर्दशनकारीहरु सिंहदरबारतर्फ अघि बढेपछि प्रहरीले हस्तक्षेप गरी नियन्त्रणमा लिएको थियो । त्यस क्रममा प्रर्दशनकारीहरुले शान्तिपूर्ण आन्दोलनमाथि हस्तक्षेप गरेको भन्दै प्रहरीविरुद्ध चर्को नाराबाजी गरेका थिए ।
प्रर्दशनकारीहरुले संघीय मामिला तथा सामान्य प्रशासनमन्त्री लालबाबु पण्डितको राजीनामा समेत माग गरेका थिए । आदिवासी, जनजाति, महिला, दलित र पछाडि परेका समुदायले आयोगले सरकारको सिफारिसमा खुलाएको स्थानीय तहको विज्ञापन समावेशी र समानुपातिक नभएको भन्दै विरोध गरिरहेका छन् । उनीहरुले सो विज्ञापन खारेज नभएसम्म आन्दोलन जारी राख्ने चेतावनी दिएका छन् ।
This will close in 20 seconds
