2020-10-23

Close

 

जनकपुरधाम, भदौ १ गते ।

समाजावादी पार्टीका सांसद डा. सूर्यनारायण यादवले आफ्नो राजीनामा फिर्ता लिएका छन् । स्वास्थ्यको कारण देखाउँदै गत साउन २७ गते आफ्नो सांसद पदबाट राजीनामा दिएका यादवले आफ्नो राजीनामा फिर्ता लिन सहमत भएको प्रमुख सचेतक सांसद उमाशंकर अरगरियसले बताए ।

 

आज बसेको समाजवादी पार्टीको संसदीय दलको बैठकमा भएको छलफलअनुसार उनले दिएको राजीनामा फिर्ता लिएको सहमति जनाएको बताइएको छ । सप्तरी १ बाट चुनाव जितेका यादव आफू अस्वस्थ्य भएको भन्दै राजीनामा दिएपनि उनी पार्टीको क्रियाकलापबाट असन्तुष्ट भएर राजिनामा दिएका थिए ।

 

उनी सांसदमा जितेपनि उनको केही भूमिका थिएन । न पार्टीमा भूमिका थियो न संसदमा कुनै भूमिका थियो । यसैबाट असन्तुष्ट भएर उनले राजीनामा दिएको पार्टी स्रोतले जनाएको छ । राजीनामा दिएपछि पार्टीका अध्यक्षद्वय उपेन्द्र यादव र डा.बाबुराम भट्टराईले सांसद यादवसँग कुरा गरेका थिए । दुईजनाले कुराकानी गरेपछि उनी राजीनमा फिर्ता लिन तयार भएको बताइएको छ ।

 

त्यसैले नागरिकता विधेयकको विषयमा समाजवादी पार्टीले सत्तारुढ दल नेपाल कम्युनिस्ट पार्टी (नेकपा) सँग छलफल गर्ने भएको छ । साथै, नयाँ शक्ति र संघीय समाजवादी फोरम नेपालबीच एकीकरणपछि संसदीय दल पनि समायोजन भएको जानकारी सभामुखलाई जानकारी गराउने निर्णय समेत बैठकले गरेको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर