अप्पन समाचार,जनकपुरधाम, माघ १३ । मुख्यमन्त्री लालबाबु राउतले मधेश आन्दोलनको म्यान्डेट अनुरुप गठन भएको समाजवादी र राजपा गठबन्धनको सरकार ५ वर्ष सम्म चल्ने दावी गर्नु भएको छ।
नेपाल इन्जिनियर्स एशोसिएशन प्रदेश नं.को प्रथम वार्षिकोत्सव सभालाई सम्बोधन गर्नु हुँदै मुख्यमन्त्री राउतले भन्नु भयो, ‘ हल्लाको पछाडी नलाग्नुस, यो सरकार मधेश जनताको म्यान्डेटले बनेको हो, पाँच वर्ष सम्म चल्छ , न सरकार फेरिन्छ, न मन्त्री ।’
संघीयतालाई नरुचाउने प्रतिक्रियावादी शक्तिहरु समाजवादी र राजपाबीच फुट डालेर संघीयतालाई नै सखाप पार्ने षडयन्त्र गरि रहेको उल्लेख गर्नु हुँदै मुख्यमन्त्री राउतले दुबै दलका शीर्ष नेताहरुले चयन गरेको मन्त्री फेर्ने काम नहुने स्पष्ट पार्नु भयो ।
यो सरकार सिक्ने क्रममा रहेको र कर्मचारी तन्त्रबाट पूर्ण सहयोग पाउन नसकेको अवस्थामा केही समस्याहरु आएको स्वीकार गर्नु हुँदै उहाँले मुलुकको संघीयता जोगाउने अभिभारा प्रदेश नं. २ माथिनै रहेकाले आफुहरु झिना मसिना कुरामा नअल्झिने समेत स्पष्ट पार्नु भयो ।
एक अर्को प्रसंगमा मुख्यमन्त्री राउतले गत आर्थिक वर्षको भुक्तानी गर्न कानून समस्याहरु आएकोले ढिलो हुन गए पनि अवको केही दिनमै नियमावली बनाएर भुक्तानी दिने र्तैयारी शुरु भै सकेको स्पष्ट पार्नु भयो ।
नेपाल इन्जिनियर्स एशोसिएशन प्रदेश नं. २का अध्यक्ष नन्द किशोरको अध्यक्षतामा भएको उक्त कार्यक्रममा मुख्यमन्त्री राउतले इन्जिनियर्संहरुको सेवा सुविधानको लागी प्रदेश सरकार प्रतिवद्ध रहने समेत बताउनु भयो ।

सम्बन्धित

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ