2024-04-19
Close
2024-04-19
काठमाडौं, २२ कार्तिक । समाजवादी पार्टीका अध्यक्ष एवं उपप्रधान, स्वास्थ्य तथा जनसंख्यामन्त्री उपेन्द्र यादवद्वारा लिखित ‘नेपालको सन्दर्भमा समाजवादी लोकतन्त्र’ पुस्तक विमोचन भएको छ ।
शुक्रबार काठमाडौंमा आयोजित पुस्तक विमोचन कार्यक्रममा प्रमुख अतिथि समाजवादी पार्टीका अध्यक्ष तथा पूर्वप्रधानमन्त्री डा.बाबुराम भट्टराई, वरिष्ठ नेता अशोक राई, नेता अमरेश नारायण झा, प्रदेश २ का पूर्वप्रमुख रत्नेश्वर लाल कायस्थ, प्रा.डा सुरेन्द्र केसी, डा. डम्बर नारायण यादव लगायतले सामूहिकरुपमा सो पुस्तक विमोचन गरेका हुन् ।
सो पुस्तकबारे आफ्नो मन्तव्य राख्दै डा. भट्टराईले यादवद्वारा लिखित पुस्तकले पार्टीका नेता कार्यकर्तालगायत सम्पूर्ण देशवासीका लागि समाजवादी लोकतन्त्रबारे उपयोगी खुराक रहेको टिप्पणी गरेका छन् ।
यसै क्रममा, उक्त पुस्तक दुई अध्यायमा विभाजित छ । प्रथम अध्यायमा भनिएको छ, “आधुनिक नेपाल निर्माण भएको अढाई शताब्दी बितिसक्दा पनि जातीय, भाषिक, सांस्कृतिक तथा क्षेत्रीय उत्पीडनको अन्त्य हुन नसकेको अवस्था छ ।”
यसैगरि १७ औं र १८ औं शताब्दीमा नेपालमा स–साना गणराज्यहरु मध्ये तराई–मधेशमा थरुहट, कपिलवस्तुका शाक्य, तिरहुत, मिथिला, कोचिला आदि गणराज्यहरुमा बसोबास गर्नेहरुको आफ्नै भाषा, धर्म, संस्कृति, पेसा व्यवसाय, भेषभूषा र जीवन प्रणाली रहेका थिए, ती भू–भागलाई मधेश र त्यहाँका निवासीहरुलाई मधेशी भन्ने चलन रहेको भनि पुस्तकमा उल्लेख गरिएको छ ।
अध्याय दुईमा वर्तमान नेपालको सन्दर्भमा सामाजिक लोकतन्त्रको बारेमा विस्तृत रुपमा विश्लेषण गरिएको छ ।
कार्लमार्क्स, स्टालिन, लियोन ट्राटस्की, वर्नस्टीन, रोजा लक्जमवर्ग, महात्मा गान्धी, डा.भीमराव अम्बेडकर, डा. राममनोहर लोहिया र जयप्रकाश नारायणद्वारा लोकतन्त्र र समाजवादबारे गरिएको व्याख्यालाई पुस्तकमा सविस्तार वर्णन गरिएको छ ।
प्रा.डा. सुरेन्द्र केसी लगायतले पुस्तकका विभिन्न कमजोरी पक्षबारे उल्लेख गरेका थिए ।
This will close in 20 seconds
