2020-10-26

Close



जनकपुरधाम, १० मंसिर । सात दिवसीय विवाह पञ्चमी महामहोत्सव आजबाट बिधिबत रुपमा सुरु भएको छ । आज पहिलो दिन जनकपुरधामको जानकी मन्दिरमा भव्य कार्यक्रमका बीच नगरदर्शनसंगै सप्तव्यापि विवाहपञ्चमी महोत्सव सुरु भएको हो । मनमोहक गित संगितका बिच त्रेतायुगको स्मरण गराउँदै राम लक्ष्मणको नगरदर्शन गराईएको थियो । त्रेता युगमा भगवान राम अनुज लक्ष्मण सहित गुरु विश्वामित्रका साथ जनकपुरधाम आएको दिनलाई स्मरण गर्दै नगरदर्शन कार्यक्रम गरिएको छ ।

अन्य वर्षको तुल्ना यो वर्ष भव्यताकासाथ विभिन्न पसलहरु थापेर भगवान रामको जनकपुरवासीहरुले दर्शन गरेजस्तै नगरदर्शन कार्यक्रम गरिएको छ । आज आयोजित नगर दर्शन कार्यक्रममा रामजानकीको प्रतिक स्वरुप दुई बालबालिकालाई साजश्रृंगारसहित जानकी मन्दिरको प्राङ्गनमा जनकपुर दर्शन कार्यक्रम सम्पन्न गरिएको छ ।

सो अवसरमा महिलाहरुले विवाहको गित गाउंदै फूल बर्साएका थिए । नगरदर्शन हेर्नका लागि देशी–विदेशी श्रद्धालुहरुको भीड लागेको थियो भने उक्त अवसरमा प्रदेश २का भौतिक पुर्वधार तथा बिकास मन्त्री जितेन्द्र सोनल, जनकपुर उपमाहानगपालिकाकि उपप्रमुख रिता झाको समेत उपस्थिति रहेको थियो ।

अब भोलि मंगलबार फुलवारी लिला, बुधवार धनुष यज्ञ, बिहिवार तीलकोत्सव, शुक्रवार मटकोर, शनिवार स्वयंंमवर तथा शुभ विवाह आइतवार रामकलेवा गरि विवाह पञ्चमीको कार्यक्रम सम्पन्न हुनेछ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर