2024-05-03
Close
2024-05-03
जनकपुरधाम । धनुषामा श्रीमतीको बन्चरो प्रहार हत्या गरेको आरोपमा श्रीमान् र जेठाजु पक्राउ परेको छ । सात महिनाअघि श्रीमतीलाई हत्या गरि फरार रहेका श्रीमान् र जेठाजुलाई धनुषा प्रहरीले शनिबार पक्राउ गरिएको हो ।
धनुषाको शहिदनगर नगरपालिका–७ नेमुवाटोलकी ५० वर्षीया रेखा देवी ठाकुरको हत्या आरोपमा प्रहरीले उनको श्रीमान् ५५ वर्षीय सुदिप ठाकुर र जेठाजु उदित ठाकुरलाई पक्राउ गरिएको धनुषा प्रहरी प्रबक्ता एवम् डिएसपी रंञ्जन अवाले जानकारी दिए ।
उनका अनुसार गत कात्तिक १० गते दाजुभाइ मिलेर रेखालाई हत्या गरी घरैमा खाल्डो खन्नी शव लुकाएर फरार भएका थिए । हत्यापछि उनीहरू भारतमा लुकीछुपी बस्दै आएका थिए । केही दिनअघि भारतबाट आएपछि घरको खाल्डोबाट शव उखालेर घरभन्दा पर रहेको नदी किनारको झाडीमा गाडेका थिए ।
प्रहरीले उनीहरूलाई नियन्त्रणमा लिएर शवको बारेमा सोधपुछ गर्दा नदीमा गाडेको बताएपछि ईलाका प्रहरी कार्यालय यदुकूहाका प्रहरी निरीक्षक चन्द्रकिशोर साह नेतृत्वमा खटेका प्रहरी टोली आइतबार नदीबाट रेखाको कंकाल फेला परेको छ । टुक्राटुक्रा पारी बोरामा राखिएको कंकाल प्रहरीले बरामद गरेको छ ।
हत्यापछि फरार रहेको सुदिप उदितसहित शनिबार आफ्नी छोरीको घरमा गएको प्रहरीले सूचना पाएपछि उनीहरूलाई छोरीको घरबाट पक्राउ गरिएको हो ।
पक्राउ परेका दुबै जनालाई ईलाका प्रहरी कार्यालयमा राखी घटनाको विषयमा थप अनुसन्धान भैरहेको प्रहरीले जनाइएको छ ।
This will close in 20 seconds
