2020-10-23

Close

विपिन कुमार यादव ,जनकपुरधाम, ५ माघ । समाजवादी पार्टीका प्रमुख सचेतक तथा धनुषा क्षेत्र नं.२ का सांसद उमाशंकर अरगडियाले मधेसी शहिदको बलिदानीले मुलुकमा संघियता कार्यान्वयनमा आएको बताए । शहिद तथा मधेसवादी दलको मुल एजेण्डा नै अधिकार सहितको संघियता रहेकाले प्रदेश सरकारलाई बलियो बनाउनु पर्नेमा जोड दिए ।

समाजवादी विद्यार्थी यूनियन, धनुषाले जनकपुरको जानकी मन्दिर प्रांगणमा आयोजना गरेको १३ औं बलिदानी दिवसमा बोल्दै प्रमुख सचेतक अरगडियाले शहिदको बलिदानीलाई खेरजान नदिने दावी गरे । मुलुकमा मधेस प्रतिको दृष्टिकोण निकै भिन्न रहेकाले मधेसी जनता उपेक्षित हुँदै आएको छ । संविधान संसोधन तथा अधिकार सहितको प्रदेश सरकार कार्यान्वयन गराउन आफुहरु चरणबद्ध संघर्षमा रहेको जानकारी गराउंदै प्रमुख सचेतक अरगडियाले भने —“अहिलेको संविधान मधेसको हितमा छ्रैन्, संविधान संसोधनकै लागि पार्टी सरकारमा सहभागि भएको थियो । यद्यपी, प्रधानमन्त्री केपी शर्मा ओलीले संसोधनको पक्षमा नदेखिएपछि पार्टी सरकारबाट बहिरिएको छ ।” वर्तमान सरकार संघियता विरोधी गतिविधिमा सक्रिय रहेको टिप्पणी गरे ।

कार्यक्रममा प्रदेश सांसद रामअशिष यादव, प्रदेश उपाध्यक्ष उर्मिला साह, प्रदेश सदस्य ममता मण्डल, जिल्ला अध्यक्ष पशुपति यादव, कमलेश यादव, सुनिल मण्डल, बलराम कापर, बिन्दी लाल महतो, प्रमोद कुमार अधिकारी ,उमेश यादव ,विकास यादव जितेन्द्र कापर लगायतका व्यक्तिहरुको सहभागिता रहेको थियो ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर