2023-06-03
Close
2023-06-03
प्रमुख समाचार
अप्पन समाचार , जनकपुरधाम, १८ माघ । शहिद हेमनारायण यादबको १६ औं स्मृति दिवसको अवसरमा सिरहा सदरमुकाममा शनिवार सरसफाई गरिएको छ ।
नेकपा प्रदेश कमिटी र सिरहा नगर कमिटीको आयोजनामा सरसफाई गरिएको हो । सरसफाई कार्यक्रममा प्रदेश साँसद प्रमोद यादब, नेकपा नेता डा. नविन यादब (हेमनारायणका छोरा), सिरहा नगरपालिका २ का वडाध्यक्ष दिपक यादब, पार्टीका पूर्व नगर अध्यक्ष देबेन्द्र गोहिवार लगायतको उपस्थिति रहेको थियो ।
तत्कालिन नेकपाका नेता हेमनारायण यादबको १६ वर्ष अगाडी हत्या भएको थियो । सरकारले घटनाको छानविन गर्न समिति गठन गरेर प्रतिवेदन सार्वजनिक गरेपनि हालसम्म हत्यारा पत्ता लाग्न सकेका छैन ।
उनको स्मृति दिवस मनाउन हरेक वर्ष पार्टीले कार्यक्रमको आयोजना गरिदै आएको छ । सिरहामा शहिद हेमनारायणको शालिक निर्माण गरिनुका साथै चोककै नाम पनि ‘हेमनारायण चोक’ राखिएको छ । भोलि माघ १९ गते दिनको ११ बजे १६औं स्मृति दिवस सभा सिरहाको हेमनारायण चौकमा गर्ने बताए ।
