2020-10-26

Close

विपिन कुमार यादव,जनकपुरधाम,६ बैशाख : विश्वव्यापी महामारीको रुपमा निरन्तर फैलिरहेको कोरोना भाईरसको त्रासका कारण सबै क्षेत्र ठप्प भएको छ ।

यसबाट बचाउन नेपाल सरकारले गत चैत ११ गतेदेखि नै देशभर लकडाउन गरेको छ । लकडाउनको प्रत्यक्ष असर दैनिक मजदूरी गरि जिविकोपार्जन गर्दै आईरहेका कामदारहरु माथि परेको छ । लकडाउनका कारण उनीहरुको दैनिकीमा बढि प्रभाव परेको हो ।

यस्तै समस्याहरुलाई मध्यनजर गर्दै धनुषाको कमला नगरपालिकाका एक स्थानीयले सुपथ मूल्य पसल सञ्चालन गरेका छन् । स्थानीय तहको निर्वाचनमा मेयर पदको उम्मेदवार रहेका स्थानीय मनिक लाल मण्डलले आफ्नो नगरका जनताहरुको समस्यालाई ध्यानमा राख्दै १५ दिनदेखि सुपथ मूल्यमा दैनिक उपभोग्य सामग्रीको पसल संचालन गर्दै आइरहेका छन् ।

उनले भने,‘अहिलेको संकटपुर्ण अबस्थामा आफुले जोखिम मोलेर पनि आफ्ना नगरभित्रका जनतालाई सेवा दिन पाउँदा मलाई धेरै खुशी लागेको छ । अहिलेसम्म तेल,आलु,प्याज,मटर,चना,सर्फ,साबुनलगायतका करिब ७ लाख बढिको सामान बेचिसकेको छु ।

अहिलेपनि मेरो स्टोरमा ५ लाख भन्दा बढिको सामान बाँकी छ । स्थानीयलाई दैनिक उपभोग्य सामग्रीको कुनै अभाव हुँदैन् ।’ मनिक लालले आफ्नै गाउँका स्थानीय इशक कबाडी र अनिश कबाडीको सहयोगमा धनुषाको सबैला, यदुकोहा, ढल्केवर लगायतका ठाउँहरुबाट सामान खरिद गरि आफ्नो नगरमा उपलब्ध गराई रहेका छन् ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर