2020-10-27

Close

विपिन कुमार यादव, जनकपुरधाम : नयाँ संविधान मधेस विरोधी भएको भन्दै जनता समाजवादी पार्टी (जसपा)ले आज जनकपुरमा विरोध प्रदर्शन गरेको छ ।

जनकचोकबाट सयौंको संख्यामा रहेका नेता तथा कार्यकर्ताले विरोध र्याली निकालेको हो । जुलुसमा प्रदेश २ भौतिक पूर्वाधार विकास मन्त्री जीतेन्द्र सोनल, जसपाका संघीय साँसद उमाशंकर अरगरिया, प्रदेश साँसद रामअशिष यादब, प्रमेश्वर साह लगायतका नेता तथा कार्यकर्ताहरु सहभागी छन् ।

प्रदर्शनकारीहरुले केपी ओली चाहिदैन, मधेस विरोधी संविधान स्वीकार्न सकिदैन, संविधान संशोधन गर जस्ता नारा लगाएका छन् । विरोध र्याली जनकपुरको विभिन्न भागमा परिक्रमा पश्चात पुनः जनकचोकमै पुगेर कोणसभा गरिदैछ ।

नेपाली काँग्रेस, तत्कालिन नेकपा एमाले र माओवादीले बहुमतको दम्भ देखाएर ०७२ असोज ३ मा मधेस विरोधी संविधान जारी गरे । सोही वर्षदेखि मधेसी दल तथा जनता असोज ३ लाई कालो दिनको रुपमा मनाउदै आएको छ । मधेसभर आज साँझ ब्लाक आउट गरिने जसपाले जनाएको छ ।

 

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर