2021-12-01

Close

काठमाडौं – आइसिसी टी-२० विश्वकपको आफ्नो अन्तिम खेलमा भारत विजयी भएको छ। सेमिफाइनलमा पुग्न असफल भारतले सुपर-१२ को अन्तिम खेलमा नामिबियालाई ९ विकेटले पराजित गरेको हो। जितसँगै भारत ६ अंकसहित समूह २ को तेस्रो स्थानमा रह्यो। यो समूहबाट पाकिस्तान र न्युजिल्याण्ड क्रमश: पहिलो र दोस्रो हुँदै सेमिफाइनल पुगेका छन्।

जितको लागि १३३ रनको विजयी लक्ष्य पछ्याएको भारतले १५.२ ओभरमा १ विकेट गुमाउँदै लक्ष्य पूरा गर्यो। भारतका ओपनर रोहित शर्माले ५६ रन बनाउँदा अर्का ओपनर केएल राहुलले अविजित ५४ रन बनाए। उनीहरु दुवैले पहिलो विकेटका लागि ८६ रनको साझेदारी गरेका थिए। सूर्यकुमार यादव २५ रनमा अविजित रहे। नामिबियाका ज्यान फ्राइलिंकले १ विकेट लिए।

त्यसअघि टस हारेर पहिले ब्याटिङ गरेको नामिबियाले निर्धारित २० ओभरमा ८ विकेट गुमाउँदै १३२ रन बनाएको थियो। नामिबियाका डेविड वाइजले सर्वाधिक २६ रन बनाए। स्टेफन बार्डले २१ रन बनाउँदा फ्राइलिंक १५ रनमा अविजित रहे। भारतका रविचन्द्रन आश्विन र रविन्द्र जडेजाले समान ३-३ विकेट लिए।

भारतले ५ खेलमा ३ मा जित र २ मा हारसहित ६ अंक जोड्यो। भारत पहिलो खेलमा पाकिस्तानसँग १० विकेट र न्युजिल्याण्डसँग ८ विकेटले पराजित भएको थियो। त्यसपछि उसको सेमिफाइनल प्रवेश सम्भावना कठिन बनेको थियो।

यो सँगै सुपर-१२ का सम्पूर्ण खेल सकिएका छन्। अब पहिलो सेमिफाइनल खेल बुधबार इंग्ल्यान्ड र न्युजिल्याण्डबीच शेख जायद स्टेडियम आबूधाबीमा हुनेछ। दोस्रो सेमिफाइनल खेल बिहीबार पाकिस्तान र अष्ट्रेलियाबीच दुबई इन्टरनेशल क्रिकेट स्टेडियममा हुनेछ। फाइनल खेल आगामी आइतबार दुबईमा हुनेछ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

टिमहरु

संचालक :- विपिन कुमार यादव
सम्पादक :- वि.पि.यादव
वरिष्ठ सल्लाहकार :- श्रवण देब
वरिष्ठ सल्लाहकार :- राज कमल सिंह

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2021 अपन जनकपुर