2024-09-10
Close
2024-09-10
जनकपुरधाम : जनकपुर– जयनगर रेल सञ्चालनमा नआउँदा गाउँमा पनि सरकारविरुद्ध नारा लाग्न थालेको छ । बिहीवार धनुषाको जनकनन्दनी गाउँपालिकामा यूवाहरुले रेल सञ्चालनका लागि प्रदर्शन गरेका हुन् ।
लोकतान्त्रिक समाजवादी पार्टी (लोसपा)का स्थानीय नेता मनोज साहले रेल चलाउन सरकारलाई दबाब दिने उदेश्यले आन्दोलनको घोषणा गरेका छन् । उनकै नेतृत्वमा खजुरी रेल्वे स्टेशनमा समेत प्रदर्शन गरिएको छ ।
प्रदर्शनमा सहभागीहरुले विवाह पञ्चमीभन्दा पहिले रेल सञ्चालन गर, कर्मचारी भर्नाका नाममा उठाएको शुल्क फिर्ता गर, प्रदेश र संघ सरकार मुर्दावाद जस्ता नारा लगाएका थिए । रेल सञ्चालन गर्न सरकारले चासो नदेखाएपछि आन्दोलन सुरु गरेको नेता मनोज साहले बताए ।
उनले रेल सञ्चालन गराउनका लागि आन्दोलनलाई निरन्तरता दिने बताएका छन् । उनले भने, रेल विगत एक वर्षदेखि सरकारले थन्काएर राखेको छ । खिया लागेर रेलको पार्टपूजा विग्रिन थाल्यो । तर रेल चलाउन चासो नदेखाउँदा दुःख लागेको छ ।
