2024-03-28

Close

धनगढी । कैलालीको गोदावरी नगरपालिका १ अत्तरियास्थित नवीन शाहुको घर अगाडि गएको मङ्गलबार बिहानै प्लास्टिकको थैलो प्रेसर कुकर भेटियो । बाहिर लेखिएको थियो ‘खतरा’ । ब- म भएको भन्दै टोलमा एकाएक त्रास फैलियो ।

स्थानीयले प्रहरीलाई खबर गरे । उक्त प्रेसर कुकर फेला परेपछि नेपाली सेनाको डिस्पोजल टोली बोलाइयो । नेपाली सेनाको टोलीले डिस्पोज गरेर हेर्दा त्यसभित्र सुनका गहना र केही नगद भेटिएको इलाका प्रहरी कार्यालय मालाखेतीका प्रमुख प्रहरी नायब उपरीक्षक नवराज पोखरेलले बताए ।

उनका अनुसार जम्मा चार तोला सुन फेला परेको थियो । त्योसँगै कुकरमा एउटा पत्र समेत फेला पर्‍यो । पत्रअनुसार त्यो भेटिएको सुन र नगद घरधनी नवीन शाहुको थियो । प्रहरीका अनुसार शाहुको करिब ९ तोला सुन र नगद १ लाख रुपैयाँ गएको मंसिर १४ घरबाट चोरी भएको थियो ।

घरमा कोही नभएका बेला राति ताला फोडेर घरमा चोरी भएको त्यसअघि शाहुले प्रहरीमा दिएको निवेदनमा उल्लेख छ । कुकरमा राखिएको सुन र नगद पनि उनकै भएको इलाका प्रहरी कार्यालय मालाखेतीका प्रहरी नायब उपरीक्षक नवराज पोखरेलले बताए । प्रेसर कुकरमा भेटिएको पत्रमा शाहुलाई सुझावसमेत दिइएको छ ।

प्रहरीका अनुसार पत्रमा शाहुलाई सबैको मान मर्यादा राख्न र समाजमा मिलेर बस्न सुझाव दिइएको छ । सुन र नगद भेटिएको पछिल्लो शाहुले इलाका प्रहरीमा उजुरी दिएका छन् । प्रहरीले यस विषयमा अनुसन्धान गरिरहेको जनाएको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds