2024-10-14
Close
2024-10-14
वीरगञ्ज । जिल्ला प्रहरी कार्यालय पर्सा र प्रदेश प्रहरी कार्यालय जनकपुरवाट खटिएको संयुक्त टोलीले वीरगञ्ज महानगरपालिका वडा नम्बर २८ बगहीवाट ९० किलो गाँजा बरामद गरेको छ ।
बगहीको बाटो हुँदै लागु औषध गाँजा ओसार पसार कार्य भैरहेको भन्ने प्राप्त सूचनाको अधारमा जिल्ला प्रहरी कार्यालय पर्सा र प्रदेश प्रहरी कार्यालय जनकपुरवाट खटिएको संयुक्त टोलीले वडा नम्बर २८ बगही गेट नजिक UP70 BK 9955 नम्बरको इन्डिगो मेन्जर कारलाई रोकी जाँच गर्दा उक्त कारको डिकी र सिटमुनी लुकाइ छिपाइ राखेको अवस्थामा ९० किलो गाँजा फेला परेको हो ।
९० किलो गाँजा र इन्डिगो मेन्जर कारमा सवार भारत यूपी.जि.मउ कमलसागर गोपालपुर निस्फी ३० वर्षिय रविकान्त भारती र भारत विहार जिल्ला बेतीया पश्चिम चम्पारण डाकघर तेलुवा वडा नम्बर १० का २८ वर्षिय सुनिल भारतीलाई पक्राउ गरि लागु औषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साले जनाएको छ ।
