काठमाडौं । नेकपा (एकीकृत समाजवादी) का प्रभावशाली नेताहरु एमालेमा प्रवेश गर्नेगरि गृहकार्यमा जुटेका छन् । पार्टीले मन्त्रीबाट फिर्ता बोलाएपछि नेतृत्प्रति असन्तुष्ट रहेका नेताहरु नै एमालेमा प्रवेश गर्नको लागि आन्तरिक छलफलमा जुटेको स्रोतको दाबी छ । नेताहरु रामकुमारी झाँक्री, विरोध खतिवडा, प्रेम आले, कृष्णकुमार श्रेष्ठलगायतले एमालेमा जानेगरि तयारी थालेको बुझिएको छ ।

यी चार नेताले मन्त्रीबाट पार्टीले फिर्ता बोलाएपछि अध्यक्ष माधवकुमार नेपाल र सम्मानित नेता झलनाथ खनालसँग पनि भेटवार्ता गरेका छैनन् । पार्टीका विभिन्न बैठकमा समेत जान छोडेका छन् । नेपाली कांग्रेसको केन्द्रीय समितिको बैठकले पाँच दलीय गठबन्धन कायम राख्ने आगामी संसद्को निर्वाचनमा यही गठबन्धनबीच चुनावी तालमेल गर्ने निर्णय गरेपछि कम्युनिष्ट नेताहरु पनि आन्तरिक छलफलमा जुटेका छन् ।

आजमात्रै माओवादी केन्द्रका अध्यक्ष पुष्पकमल दाहाल र पूर्व प्रधानमन्त्री डा. बाबुराम भट्टराईबीच छलफल भएको थियो । अहिले केही बेरमा प्रचण्ड र बाबुरामसँगै वामदेव गौतम, माधव नेपाल र झलनाथ खनालबीच पनि भेटवार्ता हुँदैछ । अध्यक्ष नेपाल र सम्मानित नेता खनालको पछिल्लो सक्रियताबाट झाँक्रीसहितका चार नेता असन्तुष्ट थिए । उनीहरु एमालेका केही नेतासँग नियमित सम्पर्कमा छन् । आगामी चुनावअघि नै उनीहरु एमालेमा प्रवेश गर्नेगरि छलफल बढेको जनाईएको छ ।

सम्बन्धित

महोत्तरीबाट ५० केजी गाँजासहित एक जना भारतीय नागरिक पक्राउ

धनुषामा पेस्तोल देखाएर ८० लाख रुपैयाँ लुटियो

शहिदनगर : नगरपालिकाको सम्पत्ति तोडफोड आरोपमा पक्राउ परेका वडाध्यक्ष निराला धरौटीमा रिहा

सिरहामा केन्द्रको प्रहरी टोलीको रेड : एसपी आचार्यको बिचौलिया भनेर परिचित नरेश नियन्त्रणमा

धनुषामा नातिनीको अन्तरजातीय विवाह गराएको भन्दै वृद्ध दम्पत्तीमाथि कुटपिट

झापामा छात्रामाथि गोली हान्नेको खोजी तीव्र, भारततर्फको नाका सिल

रौतहटमा सशस्त्र प्रहरीद्वारा १५ लाख बराबरको अवैध सामान बरामद

जनकपुरको रामजानकी हस्पिटलमा एम्बुलेन्सदेखि रिक्सा चालकसम्म दलाल, एक विरामी लगेमा ३ हजार कमिशन