2025-06-07
Close
2025-06-07
वीरगन्ज ।पर्सा प्रहरीले विभिन्न नाकाहरुबाट भन्सार छलि गरि भित्राएको अवैध लत्ताकपडा ठुलो परिमाणमा बरामद गरेको छ। जिल्ला प्रहरी कार्यालय पर्साको सूचना संकलन तथा अपराध अनुसन्धान शाखा ( क्राईम शाखा)प्रहरी टोलीले पर्साको गम्हरिया स्थित रहेको एक गोदामा छापा हानि भन्सार छलि गरि भित्राएको आठ लाख रुपैया बराबरको लत्ताकपडा पक्राउ गरेको हो।
प्रहरीले विशेष सूचनाको आधारमा पर्साको बहुदरमाई नगरपालिका वडा नम्बर ६ गम्हरिया सिमानाका साईकल र मोटरसाइकलमा लोड गरि अवैधरुपले भित्राई लुकाई छिपाई गोदाममा राखिएको अवस्थामा राखिएको ८ पोका‘सटिङ–सुटिङ’ र थानको विभिन्न प्रकारका भारतीय कपडा पक्राउ गरेको पर्सा प्रहरी प्रमुख एवम प्रहरी उपरीक्षक गौतम मिश्रले जानकारी दिए। पक्राउ परेको लत्ताकपडा अनुसन्धानपछि आवश्यक कानुनी प्रक्रिया पूरा गरी बिरगंज भन्सार कार्यालयमा बुझाइने एसपी मिश्रले जानकारी दिनुभयो।पर्सा प्रहरीले सीमा क्षेत्रमा हुने अवैध तस्करी रोकथाममा निरन्तर निगरानी र कडाई गर्दै आएको जनाएको छ।
