2024-04-20
Close
2024-04-20
अप्पन जनकपुर
महोतरी – आज साउन महिनाको दोस्रो सोमवार पनि शिवालयहरुमा दर्शनार्थीहरुको भिडभाड लागेको छ ।
महोतरीको जलेश्वरमा अवस्थित यस क्षेत्रकै प्रसिद्व जलेश्वरनाथ मनकामना लिङ्ग जलेश्वरनाथ मन्दिरमा साउनको दोस्रो सोमवार दर्शनालुहरुको भिडभाड देखिएको छ ।
मन्दिरमा महोतरीका साथै धनुषा, सर्लाही र भारतिय पर्यटक तथा दर्शनालुहरुको समेत आगमण हुने भएकाले साउनको सोमवार मन्दिरमा भिडभाड हुने गर्दछ ।
जल भित्र बिराजमान बाबा जलेश्वरनाथको दर्शनका लागि महिला तथा पुरुष दर्शनालुहरुको भिडभाड बढदै गएको छ । मन्दिरलाई दुलही झै सजाइएको छ । मुख्यप्रवेशद्वारको समेत आकर्षक किशिमले सरसजावट गरिएको छ । व्यवस्थापनका लागि मन्दिर प्राङ्गणमा नगरप्रहरी, नेपाल प्रहरी सहितका सुरक्षाकर्मी खटाइएको छ । मन्दिर प्राङ्गणमा विभिन्न देवीदेवताको मन्दिरहरु समेत रहेकाले साउनका साथै हरेक महिना पर्यटकहरुको आगमण हुने गरेको स्थानिय बताउछन् ।
मन्दिर प्राङ्गणनै प्रसाद सहितका समानहरुको विक्रि स्टल समेत राखिने गरेकाले मन्दिरमा दर्शनालु तथा भिडभाड व्यवस्थापनमा केहि असहजता भने भएको देखिन्छ । पसलहरुलाई बाहिर उचित व्यवस्थापन गर्न सकिए भिड व्यवस्थापन सहज हुने समेत दर्शनालुहरु बताए ।
जलेश्वरनाथ सहित यस क्षेत्रका क्षिरेश्वरनाथ, सप्तेश्वरनाथ, कप्लेश्वरनाथ, भुतनाथ, शिवमन्दिर, टुटेश्वरनाथ, लंगुरखोला, भारतको सिमावर्ती कलानेश्वर महादेव सहितको शिवालयहरुमा साउनमा दर्शनालु तथा बोलबमका तिर्थालुहरुको बाक्लो भिड लाग्ने गर्दछ ।
This will close in 20 seconds
