2023-03-31

Close

जनकपुरधाम । जनकपुरधामस्थित रामस्वरुप रामसागर बहुमुखी (राराब) क्याम्पसको स्वतन्त्र विद्यार्थी युनियन ९स्ववियु० निर्वाचन अन्तर्गत आज मतदान भइरहेको छ ।

क्याम्पस बाहिर विद्यार्थी नेता र उम्मेदवारका समर्थकहरू नाराबाजी गरिरहेका छन् भने भित्र शान्तिपूर्ण तरिकाले मतदान भइरहेको छ । स्ववियु निर्वाचनमा आफ्ना विद्यार्थी नेतालाई चुनाव जिताउन पार्टीका नेताहरू समेत सक्रिय बनेका छन् ।

स्ववियु निर्वाचन स्थलमा नेपाली कांग्रेसका मधेश प्रदेश सांसद तथा पूर्वमन्त्री रामसरोज यादव, पार्टीका नगर उपसभापति विक्रम साह लगायतका नेताहरू पुगेका थिए । उनीहरू जसरी पनि पार्टी निकट विद्यार्थी संगठन नेविसंघका उम्मेदवार जिताउन लागेका छन् ।

चुनाव स्थलमा शहिदनगर नगरपालिकाको सरकारी गाडी समेत देखिएको छ । मेयर दिनेश यादव चढ्ने गाडी स्ववियु चुनावमा प्रयोग गरिएको छ । तर मेयर यादव भने आफैँ चुनाव स्थलमा देखिएका छैन ।

राराब क्याम्पसमा अधिकतम विद्यार्थी बाहिर जिल्लाका छन् । बाहिरका विद्यार्थीहरू पनि मतदानमा सहभागी हुन आएको देखिन्छ । १४ वर्षपछि स्ववियु निर्वाचन हुन लागेकाले पनि विद्यार्थीहरू उत्साहित छन् । मतदानको लाइनमा बसेका विद्यार्थीहरूले स्वच्छ छविका उम्मेदवार जिताउने बताउँछन् ।

राराबमा नेविसंघबाट मनिष कुमार यादव सभापतिका उम्मेदवार छन् । सत्ता गठबन्धनका अन्य दल तालमेल गरेर चुनावमा प्रतिस्पर्धामा उत्रे पनि काँग्रेसका भातृ संगठन नेविसंघ एक्लै भिडेका छन् ।

नेविसंघसहित विद्यार्थी संगठनका ६ सभापति उम्मेदवार प्यानल बनाएर उम्मेदवारी दिएका छन् । लोकतान्त्रिक समाजवादी पार्टी (लोसपा) निकट लोकतान्त्रिक विद्यार्थी संघको तर्फबाट प्रशान्त झा उम्मेदवार छन् ।

जसपा, एमाले, माओवादी केन्द्र, नेकपा एकीकृत समाजवादी र राप्रपा निकट विद्यार्थी संगठन यो क्याम्पसको स्ववियु निर्वाचनमा तालमेल गरेका छन् । यी ५ दलको तर्फबाट जसपाबाट गौतम यादव सभापति उम्मेदवार छन् ।

यस्तै जनमत पार्टी निकट विद्यार्थी जनमत संघ पनि पहिलो पटक स्ववियु निर्वाचनमा भाग लिएका छन् । विद्यार्थी जनमत संघका इजाज मोमिन सभापतिका उम्मेदवार बनेका छन् ।

यस्तै स्वतन्त्र विद्यार्थी समूहका कन्हैया कुमार पासवान र राष्ट्रिय विद्यार्थी परिषद्का अभिषेक साह पनि सभापतिमा उम्मेदवारी दिएका छन् । २१ सदस्यीय कार्य समितिका लागि हुने निर्वाचनमा राराब क्याम्पसको स्ववियु सभापतिमा ६ जना सभापतिसहित ८८ जनाको उम्मेदवारी परेको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री यादव, सन्जिब कुमार मण्डल (जनकपुर)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2023 अपन जनकपुर