सप्तरी । सप्तकोशी नदीमा पानीको बहाव यस वर्षकै उच्च पुगेको छ। अविरल वर्षासँगै सप्तकोशी नदीले खतराको तह पार गरेको छ । शनिबार रातिदेखि परेको पानीले सोमबार बिहान पानीको तह ४ लाख ५२ हजार ७१० पुगेको छ । अरू दिन सामान्य गतिमा रहेकोमा कोशीमा आइतबार रातिदेखि निरन्तर बहाव बढेको कोशी ब्यारेजका प्रशासकले भने ।

पानीको बहाव बढिरहेकाले अहिले कोशी ब्यारेजका ५६ मध्ये अहिले ५६ वटा ढोका खुला राखिएको छ । कोशी ब्यारेजमा अहिले खतराको संकेत रातो बत्ती बालिएको छ । कोशी ब्यारेजमा पानीको बहाव एक लाख ५० हजार काट्नेबित्तिकै सर्वसाधारणलाई सचेत गर्नका निम्ति बत्ती बाल्ने गरिन्छ ।

सप्तकोशी अहिलेसम्मको इतिहासमा सबैभन्दा बढी सन् १९६८ मा सात लाख ८८ हजार २०० क्युसेक पुगेको थियो । सन् १९८७ मा ५ लाख २३ हजार ७७१ क्युसेक पुगेको थियो ।

कोशी ब्यारेजले सुरुवातका वर्षमा कोशी नदीले झन्डै आठ लाख क्युसेक पानीको क्षमता धाने पनि त्यसपछिका वर्षहरूमा पानीको लेभल घटदै गएको पाइन्छ । पछिल्लो समय कोशी ब्यारेजभन्दा माथिल्लो भागमा बालुवा थुप्रिएका कारण थोरै पानीको बहावमा पनि खतरा हुनेगर्छ ।

२०६५ भदौ–२ गते एक लाख ६८ हजार क्युसेक पानीको बहाव हुँदा सप्तकोशी नदीले पूर्वी तटबन्ध भत्काएको थियो । त्यति वेला कोशीले पूर्वी तटबन्ध भत्काउँदा कोशी गाउँपालिकाका चारवटा मानव बस्तीमा पसेको थियो । उक्तः बाढीले ७ हजार ५ सय ६३ परिवार विस्थापित भएका थिए ।

सम्बन्धित

महोत्तरीबाट ५० केजी गाँजासहित एक जना भारतीय नागरिक पक्राउ

धनुषामा पेस्तोल देखाएर ८० लाख रुपैयाँ लुटियो

शहिदनगर : नगरपालिकाको सम्पत्ति तोडफोड आरोपमा पक्राउ परेका वडाध्यक्ष निराला धरौटीमा रिहा

सिरहामा केन्द्रको प्रहरी टोलीको रेड : एसपी आचार्यको बिचौलिया भनेर परिचित नरेश नियन्त्रणमा

धनुषामा नातिनीको अन्तरजातीय विवाह गराएको भन्दै वृद्ध दम्पत्तीमाथि कुटपिट

झापामा छात्रामाथि गोली हान्नेको खोजी तीव्र, भारततर्फको नाका सिल

रौतहटमा सशस्त्र प्रहरीद्वारा १५ लाख बराबरको अवैध सामान बरामद

जनकपुरको रामजानकी हस्पिटलमा एम्बुलेन्सदेखि रिक्सा चालकसम्म दलाल, एक विरामी लगेमा ३ हजार कमिशन