2024-05-17
Close
2024-05-17
काठमाडौं । नेकपा एमालेका अध्यक्ष केपी शर्मा ओलीले आज समय निक्कै छिटो दौडिएको बताउनुभएको छ ।
जिफण्टले आयोजना गरेको नेपाल ट्रेड युनियन आन्दोलनको ७७ औँ वार्षिक उत्सव कार्यक्रमलाई सोमबार सम्बोधन गर्दै अध्यक्ष ओलीले देशको परिस्थिति छिटो छिटो हिँड्न खोजेको बताउनुभयो । उहाँले आज समय छिटो दौडिएकोले आफू कार्यक्रममा आउन ढिलो भएको बताउनुभयो ।
‘देशमा परिवर्तन आएको छ, परिवर्तन हुन्छ, जे सुकै परिवर्तन भए पनि हामी मिसन २०८४ छाड्दैनौँ, नेकपा एमालेलाई निर्णायक शक्तिमा परिणत गर्ने उद्देश्यका साथ मिसन २०८४ भनिएको हो’, उहाँले भन्नुभयो ।
राष्ट्रिय शक्ति निर्णायक भयो भने राष्ट्रियताको संरक्षण तथा विकास र समृद्धि हुने उहाँले बताउनुभयो । यथास्थितिवादी शक्ति र प्रतिगामी शक्ति निर्णायक भए भने देश अप्ठेरोमा पर्ने ओलीले प्रष्ट पार्नुभयो ।
ओलीले एमाले नयाँ राजनीतिक हिसाबले अघि बढ्न खोजेको बताउनुभयो ।
आज केही नयाँ परिवर्तन हुने उहाँले कार्यक्रमका सहभागीलाई जानकारी दिनुभयो ।‘आज पक्कै केही परिवर्तन हुन्छ भन्ने मैले विश्वास लिएको छु’, ओलीले भन्नुभयो ।
ओलीले मानव समाज गरिबी निवारण र अभावबाट उन्मुक्ति तर्फ अग्रसर हुनुपर्ने बताउनुभयो । मानवतावादी र समाजवादी दृष्टिकोणले मान्छे कोही पनि गरिब हुनुहुँदैन भन्ने परिभाषा गरेको ओलीले गर्ने प्रष्ट पार्नुभयो । तर कतिपय विकसित भनिएका मुलुकमा समेत गरिबिको रेखामुनिका जनता रहेका भन्दै उहाँले चिन्ता व्यक्त गर्नुभयो । ‘जनता पहिलो भन्ने दृष्टिकोणबाट गयो भने गरिबी निवारण ठुलो कुरा होइन’, उहाँले भन्नुभयो ।
अहिले समाजको एउटा उल्लेख्य हिस्सा गरिबिको रेखामुनि रहेको ओलीले बताउनुभयो । श्रमिक र तल्लो वर्गको हितका लागि ट्रेड युनियनको आन्दोलन निक्कै प्रभावकारी भएको ओलीले बताउनुभयो । आइएलओको सिद्धान्तमा आधारित भएर नै जिफण्टेले आफ्ना माग र आन्दोलन उठाएको भन्दै उहाँले प्रशंसा गर्नुभयो ।
अध्यक्ष ओलीले अहिले राजनीति मात्र फेरिएको नभई आर्थिक सामाजिक अवस्था पनि फेरिएको बताउनुभयो । यो बिचमा समाजमा धेरै कुरा परिवर्तन भएका ओलीकीको भनाइ छ ।
This will close in 20 seconds
This will close in 0 seconds
