2024-05-04
Close
2024-05-04
जनकपुरधाम । मधेश स्वास्थ्य विज्ञान प्रतिष्ठानका नवनियुक्त उपकुलपति डा. अंकुर साहले पदभार ग्रहण गरेका छन् ।
गत बिहीवार प्रतिष्ठानको उपकुलपतिमा नियुक्त भएका डा. साहले सोमवार प्रतिष्ठानमा आयोजित समारोहकाबीच पदभार ग्रहण गरेका हुन् ।
उनलाई मधेश प्रदेशका मुख्यमन्त्री सरोज कुमार यादवले उपकुलपतिमा नियुक्त गरेका थिए ।
पदभार ग्रहण अघि मुख्यमन्त्ती यादवले उपकुलपति डा. साहलाई मुख्यमन्त्री कार्यालयमा पद तथा गोपनियताको शपथ ग्रहण गराएका थिए ।
प्रतिष्ठानका रेक्टर समेत रहेका डा. साह प्रतिष्ठानका निमित उपकुलपतिको रुपमा पछिल्लो समय कार्यरत थिए ।
गत २५ जेठमा प्रतिष्ठानका उपकुलपति डा. रामकेवल साहको निधन भएपछि प्रतिष्ठान उपकुलपतिबिहीन थियो ।
गत फागुन २१ गते स्वास्थ्य मन्त्रालयले उपकूलपतिका लागि डा. साहको नाम एक नम्बरमा राखेर सरकारलाई सिफारिस गरेको थियो । तर, पार्टीगत भागबण्डा मिलाउन ढिलाई भइरहेको थियो ।
स्वास्थ्य मन्त्रालयले प्रतिष्ठानमा उपकुलपति नियुक्तिका लागि १८ असोजमा दरखास्त आह्वान गरेको थियो । जसमा १५ कात्तिकसम्म ९ जनाको दरखास्त परेको थियो ।
This will close in 20 seconds
