जनकपुरधाम । सत्तारूढ दल नेकपा (माओवादी केन्द्र) का अध्यक्ष पुष्पकमल दाहाल प्रचण्डले आगामी संसदीय निर्वाचनमा धनुषा क्षेत्र नम्बरका लड्ने तयारी गरेपछि धनुषा क्षेत्र नम्बर १ का स्थानीय युवा नेता पुजन मौवारले प्रचण्ड विरुद्ध स्वतन्त्र उम्मेदवारी दिने घोषणा गरेका छन् ।

आगामी संसदीय निर्वाचनमा सुरक्षीत निर्वाचन क्षेत्रको खोजी गर्ने क्रममा माओवादी केन्द्रका अध्यक्ष प्रचण्डले धनुषा क्षेत्र नम्बर १ बाट प्रतिस्पर्धा गर्ने तयारी थालेपछि स्थानीय युवा नेता मौवारले प्रचण्ड विरुद्ध उम्मेदवारी दिने घोषणा गरेका हुन् ।

आगामी संसदीय निर्वाचनमा सांसद यादवलाई समानुपातिकमा राखेर प्रचण्डले यो क्षेत्रबाट चुनाव लड्ने विषय सार्वजनिक भएपछि लोकतान्त्रिक समाजवादी पार्टीबाट स्थानीय राजनीतिमा सक्रिय मौवारले लोसपा परित्याग गर्दै प्रचण्ड विरुद्ध स्वतन्त्र उम्मेदवारी दिने तयारी अगाडि बढाएको जानकारी दिएका हुन् ।

०७४ को निर्वाचनमा यादवले तत्कालिन संघीय समाजवादी फोरम नेपालका दीपक कार्कीलाई पराजित गरेका थिए । यादवले २६ हजार ४१६ मत पाउँदा उनीसँग पराजित भएका कार्कीले १७ हजार २ सय ८४ मत ल्याएका थिए । यादव र कार्कीबीच ९ हजार १२३ को मत अन्तर थियो । यो क्षेत्र मधेश प्रदेशमै माओवादीको राम्रो जनाधार भएको क्षेत्र मानिन्छ ।

आगामी संसदीय निर्वाचनपछि प्रधानमन्त्री बन्ने उदेश्य सहित माओवादी केन्द्रका अध्यक्ष प्रचण्डले आफू निर्वाचित भएको चितवन क्षेत्र नम्बर ३ असुरक्षित देखेपछि धनुषा क्षेत्र नम्बर १ मा जाने तयारी थालेको चर्चासँगै युवा नेता मौवारले पनि आफ्नो तयारी अगाडि बढाएका हुन् ।

सम्बन्धित

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ

सशस्त्र प्रहरी बल धनुषाको १७ औं वार्षिकोत्सवमा जानकी मन्दिरमा सरसफाई

धनुषाको दुहबी गोबराही चोकमा चार वर्षपछि लाग्यो हाट, स्थानीय हर्षित

मधेशका मुख्यमन्त्री सरोज यादवले चौथो पटक पाए विश्वासको मत

श्री जनता नमूना मावि गिद्धा बेलापट्टीमा विद्यार्थी भर्ना अभियान सुरु

मधेशका मुख्यमन्त्री सरोज यादव आज विश्वासको मत लिने, असफल पार्ने जनमतको रणनीतिक