2025-07-10
Close
2025-07-10
जनकपुरधाम । मानवसेवाको भावनाले प्रेरित हुँदै धनुषाका प्रहरी प्रमुख (एसपी) नरहरी रेग्मी र उनकी पत्नी सुशीला अधिकारी रेग्मीले जनकपुरधामस्थित मानवसेवा आश्रमलाई खाद्यान्न सामग्री सहयोग गरेका छन् ।
सोमबार बिहान रेग्मी दम्पती आश्रम पुगेका थिए । उनीहरूले त्यहाँ आश्रित वृद्धवृद्धा तथा अपांग व्यक्तिहरूको अवस्था अवलोकन गर्दै चामल, दाल, नुन, तेल लगायतका दैनिक उपभोग्य सामग्रीहरू हस्तान्तरण गरेका हुन् ।
सामाजिक उत्तरदायित्वका रुपमा गरिएको सहयोगप्रति आश्रम व्यवस्थापनले कृतज्ञता व्यक्त गरेको छ । जनसेवा र समाजसेवामा सक्रिय एसपी रेग्मी र उनकी पत्नीको यो सहकार्यलाई प्रेरणादायक रुपमा हेरिएको छ ।
दैनिक रूपमा यस्ता सामग्रीहरू आवश्यक पर्छन्, सहयोग पाउँदा हामीलाई निकै राहत मिलेको छ, आश्रमका एक प्रतिनिधिले भने, एसपी रेग्मीज्यू र वहाँकी श्रीमतीप्रति हार्दिक धन्यवाद प्रकट गर्न चाहन्छौँ ।
धनुषाका प्रहरी प्रमुखका रूपमा जिम्मेवारी सम्हालिरहेका रेग्मी र उनकी पत्नी सुशीला अधिकारी रेग्मीले सार्वजनिक सेवा बाहेक पनि सामाजिक सेवामा सक्रियता देखाउँदै आएका छन् ।
