2020-10-30

Close

 

काठमाडौं। नेपाल मिडिया सोसाइटीले न्यूज २४ टेलिभिजनको कार्यकक्षबाटै पत्रकारलाई पूर्व सूचनाविना अचानक पक्राउ गरिएको घटनाप्रति ध्यानाकर्षण भएको उल्लेख गरेको छ । सोसाइटीले शनिवार विज्ञप्ति जारी गर्दै राष्ट्रिय तथा अन्तरराष्ट्रिय मापदण्ड मिचेर प्रहरीले गरेकोे उक्त अवैधानिक कार्यप्रति खेद व्यक्त गरेको हो ।

यस्ता कार्यले सूचनाको निर्बाध सम्प्रेषण गर्न पाउने सञ्चारमाध्यमको नैसर्गिक अधिकार असुरक्षित र हनन भएको सोसाइटीको ठहर छ । ‘प्रहरीको कार्यक्षेत्रभित्र पर्ने कुनै पनि घटनाका सम्बन्धमा उसले कानूनी रूपमा निष्पक्ष र स्वतन्त्र ढंगबाट छानबिन गर्न पाउँछ र पाउनुपर्छ । विधिको शासनलाई यस संस्थाले पनि सधैं सम्मान गरेको र गर्दै जानेछ । तर, विना पूर्वजानकारी र विना अनुमति मिडिया संस्था र पत्रकारिताको सामान्य संवेदनशीलतालाई समेत ख्याल नगरी कार्यकक्षमा प्रवेश गरेर प्रहरीले देखाएको यो शैली आफैंमा अमर्यादित रहेको छ,’ विज्ञप्तिमा उल्लेख छ ।

सामान्य शिष्टाचार पनि नराखी गरिने यस्ता कार्य प्रेस स्वतन्त्रतामाथि हस्तक्षेप र संविधान विपरीत भएको सोसाइटीको ठहर छ । सञ्चार माध्यममाथि हुने यस्ता प्रकारका कुनै पनि हस्तक्षेपको तीव्र निन्दा गर्दै प्रेसको संवैधानिक स्वतन्त्रताको सम्मान गर्न र सञ्चार माध्यममाथि हुने यस्ता हस्तक्षेप नदोहो¥याउन सम्बन्धित निकायलाई सोसाइटीले ध्यानाकर्षण गराएको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर