2020-10-30

Close

विपिन कुमार यादव , जनकपुरधाम, ११ फाल्गुन । समाजवादी पार्टीका संघीय साँसद तथा प्रमुख सचेतक उमाशंकर अरगरियाले धनुषा–सिरहा जोड्ने हुलाकी सडक अन्तर्गतको कमला पुलको निरीक्षण गरेका छन् ।

संसदमा समेत पुल निर्माणमा ढिलाइ भइरहेको भन्दै पटक पटक आवाज उठाएका साँसद अरगरियाले पुलको निरीक्षण पश्चात निर्माण समयमा सक्न ठेकेदार कम्पनीका प्रतिनिधिसँग आग्रह गरेका हुन् । ठेकेदार कम्पनी लुम्बिनी बिल्डर्सका प्रतिनिधिले जेठभित्रै निर्माण सक्ने साँसद अरगरिया समक्ष प्रतिवद्धता जनाएका छन् ।

पुल निर्माणका लागि ९ वर्ष अगाडी २४ करोड ९१ लाखमा पप्पु कन्ट्रक्सनले ठेक्का लिएका थिए । तर पुल निर्माण समयमा गर्न सकेन । पटक पटक म्याद थपेपनि काममा ढिलाइ गर्दा ठेक्का तोडेर लुम्बिनी बिल्डर्सलाई दिएको छ ।

लुम्बिनी बिल्डर्सले ठेक्का पाएदेखि पुल निर्माण तिब्र गतिमा भइरहेको छ । निरीक्षण पश्चात साँसद अरगरियाले भने, ‘पुल निर्माणले तिब्रता पाएको छ । अब केहि दिनभित्रै निर्माण सकिने विश्वास छ ।’

पुल निर्माण समयमा नहुँदा धनुषा र सिरहाका दर्जनौं गाउँका बासिन्दा ठूलो समस्या झेल्दै आएका छन् । असारमा हरेक वर्ष आउने बाढीले महिनौंसम्म उक्त सडक ठप्प हुन्छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर