2020-10-27

Close

विपिन कुमार यादव,जनकपुरधाम : पत्रकार कुट्ने प्रहरीमाथि कारबाही नगरेको भन्दै युवाहरुले जनकपुरमा गृहमन्त्री रामबहादुर थापाको तस्विर जलाएका छन् ।गृहमन्त्री थापाको तस्विर जलाएको भन्दै दुई युवकलाई प्रहरीले जनकपुरको भानु चोकबाट पक्राउ गरेको छ । पक्राउ पर्नेमा राजेश यादब र सुनिल साह छन् ।

शुक्रवार राति नवजीवन अस्पताल अगाडी प्रहरीले टुडेखोज डटकमका सम्पादक सन्तोष यादब र रिपोर्टर सिबेन्द्र रोहितालाई कुटपिट गरेका थिए । घटनाको तीनदिन वित्न लाग्दा पनि दोषी प्रहरीलाई कारबाही नगरेको भन्दै युवाहरुले जनकपुरको भानु चोकमा गृहमन्त्री थापाको तस्विर जलाएका हुन् ।

प्रेस स्वतन्त्रता कायम गर, पत्रकार कुट्ने गुण्डा प्रहरीलाई कारबाही गर, गुण्डागर्दी बन्द जस्ता जस्ता नारा लेखिएको प्लेकार्ड बोकेर यूवाहरुले प्रशासन विरुद्ध नाराबाजी समेत गरे । उनीहरुले हिजो पनि प्रशासनविरुद्ध प्रदर्शन गरेको थियो ।

नवजीवन अस्पतालमा विहिवार राति एक महिलाको मृत्यू भएको थियो । पीडित परिवारले लाक्टरको लापरबाहीका कारण मृत्यू भएको भन्दै शव बुझ्न मानेनन् । मृत्यू भएको २४ घण्टापछि शुक्रवार प्रहरीले बल प्रयोग गरी शव पोष्टमार्टमका लागि प्रादेशिक अस्पताल पुर्याउन खोज्दा पत्रकार यादब र रोहिता तस्विर खिच्न लाग्दा घेरा हालेर कुटपिट गरेको थियो ।

घटनाको तीनदिन वित्न लाग्दा पनि जिल्ला प्रहरी कार्यालयले दोषी प्रहरीमाथि कारबाही गरेका छैन ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर