2024-04-26
Close
2024-04-26
प्रमुख समाचार
विपिन कुमार यादव/ जनकपुरधाम : धनुषाको हँसपुर नगरपालिका ६ सोनिगामा चोकमा जनता समाजवादी पार्टीले रक्तदान कार्यक्रम सम्पन्न गरेको छ ।
नेपाल रेडक्रस सोसाइटीको सहकार्यमा जसपाले आयोजना गरेको रक्तदान कार्यक्रममा ५१ जनाले रगत दिएका छन् । कार्यक्रममा उपस्थित अधिकांश युवा र एक जना नेपाल प्रहरीले रक्तदान गरेका हुन् ।
जसपाका युवा नेता राजेश कुमार यादबको अध्यक्षतामा कार्यक्रम गरिएको छ । कार्यक्रमको प्रमुख अतिथि धनुषा क्षेत्र नम्बर २ बाट निर्वाचित संघीय साँसद उमाशंकर अरगरिया र विशिष्ट अतिथि हँसपुरका मेयर रामज्ञान मण्डल अतिथि नेपाल रेडक्रस धनुषाको सभापति नरेश प्रसाद सिंह थिए ।
कोरोना महामारीका बेला रगतको चरम अभाव भइरहेका कारण रक्तदान कार्यक्रमको आयोजना गरिएको नेता राजेश यादबले बताए ।
मेयर मण्डलले पनि रक्तदान जिवन दान हो भन्दै रक्तदान गरेपनि स्वास्थ्यमा कुनै समस्या नआउने गरेको सुनाएका थिए । उक्त कार्यक्रममा पार्टी नगर अध्यक्ष लाल बाबू यादव,कमला नगर अध्यक्ष मनिक लाल मण्डल युवा जिल्ला अध्यक्ष दिपु कापरी,सरोज कुमार मण्डल, युवा केन्द्रीय सचिव अशोक कुमार मण्डल,औरही नगर अध्यक्ष कमदेब मण्डल,विनोद रोहिता,जिवछी महतो,सुरेन्द्र कुमार मण्डल लगायतका पार्टीको नेताकार्यकर्ताको उपस्थिति रहेका थिए ।
This will close in 20 seconds
