वीरगन्ज । बिरामीलाई निःशुल्क रगत उपलब्ध गराउन बिन्दबासिनी गाउँपालिका र रेडक्रसबीच सम्झौता भएको छ । बिन्दबासिनी गाउँपालिकाकाले गाउँवासीलाई निःशुल्क रगत उपलब्ध गराउने भएको छ । रगत आवश्यक पर्ने गाउँपालिकाका बिरामीलाई निःशुल्क रगत उपलब्ध गराउन बिन्दबासिनी गाउँपालिकाको कार्यालय र नेपाल रेडक्रस सोसाइटी पर्सा शाखाका वीच आइतबार सम्झौता पत्रमा हस्ताक्षर भएको छ ।

बिन्दबासिनी गाउँपालिकाका प्रमुख प्रमोद तिवारी र नेपाल रेडक्रस सोसाइटी पर्सा शाखाका सौरभ राज पाण्डे बीच भएको सम्झौतामा रगत आवश्यक पर्ने गाउँवासीलाई रेडक्रसद्वारा सञ्चालित रक्त सञ्चार सेवा पर्साबाट रगत उपलब्ध गराइने छ । यो सम्झौता लागू भइसकेको जनाइएको छ ।

बिन्दबासिनी गाउँपालिका प्रमुख तिवारीले निर्वाचनमा उम्मेदवार हुँदाका बखत गरेको चुनावी प्रतिबद्धता र गाउँ पालिकाको नीति तथा कार्यक्रममा उल्लेख भएको ‘ अध्यक्ष स्वास्थ्य सहायता कार्यक्रम’ अन्तरगत गाउँवासीलाई निःशुल्क रगत उपलब्ध गराउने सम्झौता भएको बताए ।

निःशुल्क रगत पाउनका लागि आफू गाउँवासी भएको प्रमाण स्वरूप यसै गाउँपालिकाको भनेर प्रमाण खुल्ने नागरिकता, मतदाता परिचयपत्र, सवारी चालक अनुमति पत्र वा राष्ट्रिय परिचयपत्रको प्रतिलिपि पेस गर्नुपर्ने सम्झौतामा उल्लेख छ ।

गाउँपालिकाको कार्यालयमा भएको सम्झौता कार्यक्रममा प्रमुख प्रशासकीय अधिकृत राकेश ओझा , लेखा प्रमुख मिथलेश कुशवाहा लगायतको उपस्थिति रहेको थियो ।

सम्बन्धित

धनुषा २ : तिनकौरियामा विभिन्न पार्टी परित्याग गरि ५०० जना एमालेमा प्रवेश

धनुषामा किसानहरुको धान खरिद सुरु, सोना मन्सुली धान प्रतिक्विन्टल तीन हजार पाँच सय ८० रुपैयाँ

मधेश प्रदेशमा धान उत्पादन बढ्यो।।।

विवाह पञ्चमीमा आएका श्रद्धालुहरु फर्किन थाले, जनकपुरधाम रेल्वे स्टेशनमा घुँइचो

सीताराम विवाह पञ्चमी सम्पन्न, आज ५६ व्यञ्जन खुवाएर अयोध्याको जन्ती र साधुसन्तलाई विदाई गरिने

विवाहपञ्चमी महामहोत्सवमा २० लाख बढी दर्शनार्थी

जनकपुरधाम : आज सीताराम विवाहपञ्चमी महोत्सव धुमधामसाथ मनाइँदै

धनुषाधाम नगरपालिका–१ को वडाध्यक्षमा माओवादीका सुनिल कापर बिजयी