2024-03-28

Close

जनकपुरधाम : सिरहाको गोलबजार नगरपालिका ९ (साविक चन्द्रोदयपुर ८) मा करिब ९ बिघा जग्गा अतिक्रमण भएको भन्दै जनकपुरमा प्रदर्शन गरिएको छ ।

सरकारी जग्गा बचाऊँ अभियान संघर्ष समितिका पदाधिकारी र स्थानीयले जनकपुर आएर प्रदर्शन गरेका हुन् । उनीहरू मुख्यमन्त्री तथा मन्त्रिपरिषद्को कार्यालय अगाडि अनिश्चितकालीन धर्नाका लागि आएका थिए । तर, सुरक्षाकर्मीले रोकेपछि उनीहरूले सडकमै धर्ना र प्रदर्शन गरेका छन् ।


जनकपुर चुरोट कारखानामा रहेको मुख्यमन्त्री तथा मन्त्रिपरिषद्को कार्यालय क्षेत्रलाई निषेधित क्षेत्र घोषणा गरिएकाले सिरहाबाट आएकाहरूलाई सुरक्षाकर्मीले त्यता दिएका छैनन् ।

प्रदर्शनकारीलाई रोक्न बिहानदेखि नै त्यस क्षेत्रमा ठूलो संख्यामा सुरक्षाकर्मी परिचालन गरिएको छ । तर, प्रदर्शनका लागि सिरहाबाट आएकाहरू मुख्यमन्त्री तथा मन्त्रिपरिषद्को कार्यालय गएरै छाड्ने अडान लिएका छन् । सुरक्षाकर्मीले रोकेपछि उनीहरू करिब ३ सय मिटर पर सडकमै धर्नामा बसेका छन् ।


संघर्ष समितिका संयोजक चन्देश्वर पासवानले वनबुट्यान रहेको वनको जग्गा वनकै नाममा फिर्ता गर्नुपर्ने, सुकुम्बासी समस्या समाधान आयोग २०५८ को निर्णय सार्वजनिक गर्नुपर्ने र भूमाफिया तथा तत्कालीन सुसस आयोगको सदस्य र जनप्रतिनिधि लगायत संलग्न दोषीलाई कारबाही गर्नुपर्ने तीन बुँदे माग लिएर मुख्यमन्त्री कार्यालय अगाडि अनिश्चितकालीन धर्ना बस्न आफूहरू आएको बताएका छन् ।

उनका अनुसार करिब तीन बिघा वनको जग्गा मारुती सिमेन्ट उद्योगले पनि कब्जा गरेको छ । राजमार्ग छेउमै रहेको उक्त जग्गा करोडौंको छ । जग्गा अतिक्रमणमा जनप्रतिनिधि र प्रशासनको पनि हात छ । त्यसैले फिर्ता गराउन कसैले चासो देखाएका छैन ।

मुख्यमन्त्री लालबाबु राउतले अतिक्रमित जग्गा फिर्ता गराउने आश्वासन दिए पनि चासो नदेखाएको उनको आरोप छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds