2024-10-12
Close
2024-10-12
प्रमुख समाचार
विपिन कुमार यादव,जनकपुरधाम : धनुषाको कमला नगरपालिकामा लक्ष्मी मन्दिर निर्माण हुने भएको छ । धनुषा क्षेत्र २ बाट निर्वाचित संघीय साँसद उमाशंकर अरगरियाको सांसदीय कोषबाट मन्दिर निर्माण हुने भएको हो ।
आईतवार साँसद अरगरियाले एक कार्यक्रमबीच कमला नगरपालिका ६ सखुवामा मन्दिर निर्माणको शिलान्यास नगर प्रमुख राम उदगार गोईत उप प्रमुख शिला देवी मण्डलको संयुक्त सहयोगमा गरेका छन् । त्यस अवसरमा बोल्दै सांसद अरगरियाले यस क्षेत्रको विकासका लागि आफू सँधै तत्पर रहने बताए ।
सखुवामा लक्ष्मी मन्दिर निर्माण नहुँदा स्थानीय वासीलाई पुजापाठ एवं धार्मिक कार्यक्रम गर्न समस्या हुन गरेको मध्यनजर गर्दै मन्दिर निर्माण गरिने उनले बताए । सांसद अरगरियाको सांसदीय कोष स्थानीय पुर्वाधार बिकास साझेदारी कार्यक्रमबाट १० लाख रुपैयाँको लागतमा यो मन्दिर निर्माण हुनेछ ।
मन्दिर बन्ने भएपछि स्थानीयहरु हर्षित भएका छन् । स्थानीय राजेश महतोले मन्दिर बनेपछि आफूहरुलाई पुजापाठ र धार्मिक कार्यक्रम गर्न सजिलो हुने बताए । शिलान्यास कार्यक्रममा स्थानीय नेताहरु जसपा कमला नगर अध्यक्ष मनिक लाल मण्डल , लक्ष्मेश्वर यादव , छठु मण्डल , त्रिलोक महतो , महेश्वर यादव , वडा अध्यक्ष चुमक्का भन्ने मो.सम्सुल लगायतका नेताकार्यकर्ता हरुको उपस्थितिमात्र शिलान्यास कार्यक्रम सम्पन्न गरेका थिए ।
