2024-04-19
Close
2024-04-19
अप्पन जनकपुर
काठमाडौँ । न्यूजील्याण्ड आइसीसी टी-२० विश्वकपको फाइनलमा पुगेको छ । पहिलो सेमिफाइनलमा इङल्याण्डलाई ५ विकेटले पराजित गर्दै न्यूजील्याण्ड फाइनलमा पुगेको हो ।
इङल्याण्डले दिएको १६७ रनको लक्ष्य पछाएको न्यूजील्याण्डले १९ ओभरमा ५ विकेट गुमाउदै लक्ष्य पुरा गरेको थियो ।
न्यूजील्याण्डका लागि मार्टिन गप्टिलले ४, डार्यल मिचेलले अविजित ७३, कप्तान केन विलियम्सनले ५, डेभोन कोनवेले ४६, फलेन फिलिपले २, जेम्स नीशामले २६ रन र मिचेल सान्टनरले १ रन बनाएका थिए ।
त्यस्तै इङल्याण्डका बलर क्रिस वोक्स र लियाम लिभिंगस्टोनले २-२ विकेट लिएका थिए भने आदील राशिदले एक विकेट लिएका थिए ।
यसअघि टस हारेर पहिला ब्याटिंग गरेको इङल्याण्डले २० ओभरमा ४ विकेट गुमाउदै १६६ रन बनाएको थियो ।
इङल्याण्डका लागि डविड मलानले ४१ रन बनाए भने जोस बटलरले २९ रन बनाएका थिए ।
त्यसैगरी जोनी बैरस्ट्रवले १३ रन बनाएका थिए । त्यस्तै मोइन अलीले अविजित ५१ रन बनाएका थिए भने लियाम लिभिंगस्टोनले १७ रन र कप्तान इयोन मोर्गनले अविजित ४ रन बनाए ।
त्यस्तै न्यूजील्याण्डका बलर टिम साउथी, एडम मिल्ने, जेम्स नीशाम र इश सोढीले एक एक विकेट लिए ।
यो जितसँगै न्यूजील्याण्ड पहिलो पटक टी-२० विश्वकपको फाइनलमा पुगेको छ ।
अब न्यूजील्याण्डले फाइनलमा पाकिस्तान र अस्ट्रेलियाबीचको दोस्रो सेमिफाइनलको विजेतासँग खेल्ने खेल्ने छ ।
This will close in 20 seconds
