जनकपुरधाम । भौतिक पूर्वाधार तथा यातायातमन्त्री रेणु यादवले रेल संचालनका लागि अध्यादेश ल्याउने र सो सम्बन्धी कागजातमा आजै हस्ताक्षर गर्ने बताएकी छन् ।

रेल संचालनमा चासो नदेखाएको भन्दै लोसपा धनुषाले आन्दोलन गरिरहेका बेला मन्त्री यादव आज जनकपुरस्थित रेल्वे स्टेशनको अनुगमन गरिन् । सो क्रममा उनले भनिन्, ‘अध्यादेशमार्फत रेल्वे कानून ल्याउने तयारीमा सरकार लागेको छ । आजै काठमाडौं पुगेर सम्पूर्ण कागजातमा हस्ताक्षर गर्छु ।’

मन्त्री यादवले एक हप्ताभित्र कानूनी प्रकृया पूरा हुने पनि बताइन् । उनले कर्मचारी भर्ना प्रकृया पनि छिट्टै थाल्ने र यो आर्थिक वर्षभित्रै जनकपुर–जयनगर रेल संचालन आउने दावी गरिन् । उनले अर्थ मन्त्रालयलाई जानकारी गराइसकेको र अब बजेट पनि अभाव नहुने बताइन् ।

चार लाख ५० हजार टिकट पनि छापेर जनकपुरधाम रेल्वे स्टेशनमा राखिएको छ । टिकट अनलाइन प्रविधिबाट काटिने बताइएको छ । रेलको उद्घाटन प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीले संयुक्त रूपमा गर्ने मन्त्री यादवको भनाइ थियो ।

भारतीय सरकारी कम्पनीसंग खरिद गरेर १४ महिनाअगाडि ल्याएको दुई सेट रेल ईनर्वा स्टेशनमा थन्काएर राखिएको छ । तर अहिलेसम्म संचालन नभएपछि आन्दोलन गरिरहेको लोसपाले आज मुख्यमन्त्री लालबाबु राउत र प्रदेश प्रमुख हरिशंकर मिश्रलाई ज्ञापनपत्र बुझाएको छ ।

सम्बन्धित

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ

सशस्त्र प्रहरी बल धनुषाको १७ औं वार्षिकोत्सवमा जानकी मन्दिरमा सरसफाई

धनुषाको दुहबी गोबराही चोकमा चार वर्षपछि लाग्यो हाट, स्थानीय हर्षित

मधेशका मुख्यमन्त्री सरोज यादवले चौथो पटक पाए विश्वासको मत

श्री जनता नमूना मावि गिद्धा बेलापट्टीमा विद्यार्थी भर्ना अभियान सुरु

मधेशका मुख्यमन्त्री सरोज यादव आज विश्वासको मत लिने, असफल पार्ने जनमतको रणनीतिक