2024-04-25
Close
2024-04-25
अप्पन जनकपुर
जनकपुरधाम सहितका स्थानमा हल्का वर्षा, चिसो बढ्यो
जनकपुरधाम । आज मधेसको मोसम परिवर्तन भएपछि चिसो बढेको छ । विहानैदेखि सिरहा सहितका ठाउँमा हल्का वर्षा भइरहेको छ ।
वर्षा भइरहेको र हावा चलेकाले चिसो बढेको सर्वसधारण बताउँछन् । आज घाम लाग्ने अबस्था देखिएको छैन । बजारमा चहलपहल समेत घटेको छ ।
मौसम पूर्वानुमान महाशाखाका अनुसार हाल देशमा पश्चिमी न्यूनचापीय प्रणालीको सामान्य प्रभाव रहेकाले प्रदेश नम्बर १ र प्रदेश नम्बर २ सहित देशका पहाडी भूभागमा सामान्य बदली छ । बाँकी स्थानहरूमा आंशिक बदली रहेको मौसम पूर्वानुमान महाशाखाले जनाएको छ ।
काठमाडौंमा घाम लाग्ने तर उच्च पहाडी तथा हिमाली क्षेत्रमा हिमपातको सम्भावना रहेको मौसम पूर्वानुमान महाशाखाले जनाएको छ । बिहीबारदेखि न्यून चापीय प्रणालीको प्रभाव केही कम हुनेछ ।
यस्तै शुक्रबार देशभर आंशिक बदली रहनेछ। अपराह्न पछाडि प्रदेश १ र गण्डकी प्रदेशको उच्च पहाडी तथा हिमाली भू–भागका एक वा दुई स्थानमा फाटफुट/हल्का हिमपातको सम्भावना रहेको छ ।
This will close in 20 seconds
