2024-12-02
Close
2024-12-02
अप्पन जनकपुर
जनकपुरधाम । सरकारले निरन्तर मूल्यवृद्धि गरेको भन्दै लोकतान्त्रिक युवा संग र लोकतान्त्रिक विद्यार्थी संघले जनकपुरधाममा संयुक्तरुपमा गठबन्धन सरकारको पुतला दहन गरेका छन् ।
सरकारले सातामा दुई पटकसम्म पेट्रोलियम पदार्थको मूल्यवृद्धि गरेको छ । मूल्यवृद्धिका कारण सर्वसाधारणलाई सास्ती भएकोले तत्काल मूल्य घटाउनु पर्ने युवाहरुले माग गरेका छन् ।
उनीहरुले जनकपुरको भानु चौकमा विरोध प्रर्दशन गर्दै मूल्यवृद्धि घटाउन र नागरिकप्रति जिम्मेवार बन्न प्रधानमन्त्री शेर बहादुर देउवा सहित सरकारको पुतला दहन गरेका छन् । जनताको ढाड सेक्ने गरी गरिएको ज्यादतीपूर्ण मुल्यबृद्धि प्रति सरकारको ध्यानाकर्षण नभए सशक्त आन्दोलनमा उत्रने लोकतान्त्रिक युवा संघ धनुषाका अध्यक्ष प्रशान्त झाले चेतावनी दिए ।
जनतालाई खान, लाउन शंकट भएको बेलामा पनि नेपाल सरकार जनता चाहिँदैन भनेर आफ्ना अव्यवहारिक गतिविधिमा लिप्त रहेको बताए । कार्यक्रममा बोल्दै विद्यार्थी संगठनका नेताहरुले जनताको कर, एसी गाडीमा झण्डा हालेर हिँड्नका लागि नभएको भन्दै राज्यले जनतामाथि परिरहेको शंकटको बेलामा अविभावकत्व लिनुपर्छ, अध्यक्ष झाले भने ।
पेट्रोलियम पदार्थमा भएको मूल्यवृद्धि कुनैपनि हिसावले ठिक नभएको लोकतान्त्रिक विद्यार्थी संघ धनुषाका अध्यक्ष ईजाज अन्सारीले बताए । सरकारले अविलम्व पेट्रोलियम पदार्थमा भएको मूल्यवृद्धि फिर्ता नलिए आगामी दिन बिरोधका कार्यक्रमहरु थप सशक्त बनाउँदै जाने चेतावनी समेत दिए ।
निगमका कर्मचारी, सरकारी कर्मचारी र मन्त्री तथा सांसदहरुलाई सेवा, सुविधा थप गर्न सरकार लागि परेको भन्दै उनीहरुले आयल निगम घाटामा नभएको र सरकारले मनलाग्दी पेट्रोलियम पदार्थको मूल्य वृद्धि गरेको बताए ।
प्रदर्शनकारीहरुले गठबन्धनको उपहार महंगी र भ्रष्टाचार, अनियमितता र भ्रष्टाचार, देउवा सरकारको उपहार, आयाल निगमका भ्रष्ट कर्मचारी मुर्दावाद जस्ता नारा लगाएर बिरोध गरेका थिए ।
