2024-04-30
Close
2024-04-30
अप्पन जनकपुर
जनकपुरधाम । धनुषा प्रहरीले कटुवा पेस्तोलसहित एक युवकलाई पक्राउ गरेको छ । पक्राउ पर्नेमा सिरहाको गोलबजार नगरपालिका–७ चोहर्वा बस्ने ३५ वर्षीय रामसागर ठाकुर रहेका छन् ।
ठाकुरलाई धनुषाको सबैला नगरपालिका–१२ नहर चोकस्थित मैनाथपुर बिरेन्द्रबजार सडकबाट प्रहरीले पक्राउ गरेको हो ।
ईलाका प्रहरी कार्यालय सबैलाबाट खटेको प्रहरी टोलीले प्रदेश–२–०१–००२ प ३७२० नम्बरको मोटरसाइकल चेकजाँच गर्ने क्रममा मोटरसाइकलमा सवार ठाकुरको साथबाट उक्त पेस्तोल भेटिएको थियो ।
प्रहरी टोलीलाई देख्नासाथ हातमा बोकेको झोलासहित भाग्न खोजेपश्चात उनलाई नियन्त्रणमा लिई तलासी गर्दा झोलाभित्र उक्त पेस्तोल फेला परेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक प्रदीपबहादुर क्षेत्रीले जानकारी दिए ।
फरार भएका मोटरसाइकल चालकको खोजी भइरहेको धनुषा प्रहरीले जनाएको छ ।
This will close in 20 seconds
