2024-04-30
Close
2024-04-30
उत्तर प्रदेश – योगी आदित्यनाथ लगातार दोस्रोपटक उत्तर प्रदेशको मुख्यमन्त्री बनेका छन् । आज उनले पुनः मुख्यमन्त्री पदको शपथ खाएका हुन् ।
उनलाई गभर्नर आनन्दीबेन पटेलले पद तथा गोपनीयताको शपथ खुवाएकी हुन् । भारतीय सञ्चारमाध्यमका अनुसार यस अवसरमा प्रधानमन्त्री नरेन्द्र मोदी, रक्षामन्त्री राजनाथ सिंह, गृहमन्त्री अमित शाह र भाजपा अध्यक्ष जेपी नड्डा पनि उपस्थित थिए ।
शपथ ग्रहण समारोहमा उनीबाहेक कैयौं केन्द्रीय मन्त्रीको पनि उपस्थिति थियो । त्यहाँ बिहारका मुख्यमन्त्री नितिश कुमार, मध्य प्रदेशका मुख्यमन्त्री शिवराज सिंह चौहान, हरियाणाका मुख्यमन्त्री मनोहर लाल खट्टर, असमका मुख्यमन्त्री हिमन्त विश्व शर्मा, उत्तराखण्डका मुख्यमन्त्री पुष्कर सिंह धामी पनि उपस्थित थिए ।
यसपटक आदित्यनाथले केशवप्रसाद मौर्यका अलावा योगी ब्रजेश पाठकलाई पनि उपमुख्यमन्त्री बनाएका छन् । सिरथुबाट चुनाव हारेका मौर्यलाई पार्टी नेतृत्वले विश्वास गरेर उपमुख्यमन्त्री बनाएको हो ।
तर, अघिल्लो सरकारमा उपमुख्यमन्त्री रहेका दिनेश शर्माले निरन्तरता पाउन सकेनन् ।
This will close in 20 seconds
